Item vander questien die geweest is voir den raide vander stat tusschen/ lijsbetten trisseners weduwe reyners wilen gheysers met pete(re)n van/ hoeberghe ter eender en(de) henricke clouwens meye(r) nutertijt des/ jonch(e)r(e)n van marbaix in zijnen hove te wynghe met zijnen medegaringen/ als erfgenamen reyners vors(creven) in dande(re) Alse van eenen huyse en(de)/ hove gelegen toverwynge tusschen den goeden jans mychiels te ii/ zijden dan [dair] de vors(creven) weduwe en(de) peter seiden hoe dat in vorleden(en)/ tijden over meer dan xxx jair en(de) daghe een coepmantscap ten/ tijde doen zij sadt met hue(re)n man in heylike state geschiedde/ vanden selven huyse en(de) hove dair af de guedinghe al noch open/ stont te doen bege(re)nde dair om de vors(creven) peter dien zij de vors(creven)/ goede vercocht hadde [dat hij] dair toe comen mochte also zij hoopte/ dat van rechte behoerde dair tegen de vors(creven) henric met/ sijnen medegaderingen opponeerd(e) seggen(de) dat dat also na recht niet/ en behoerde noch sculdich en wae(r) te geschien gemerct dat de/ vors(creven) weduwe mair een tochtersse en wae(r) en(de) dat nade doot/ des selfs reyners huers mans eene wettige geborte bleef
//
van hen beide dair op de vors(creven) goede verschene(n) en(de) rusten(de) wae(re)n/ die nu naderhant en(de) aflivicheit zijns vaders van live ter / doot comen wae(r) en(de) also hoopten zij dat de vors(creven) guedinghe/ nieman(de) anders dan hair naden lantrechte sculdich en wae(r) te/ geschien Es getermijneert en(de) met recht uutgesproke(n)/ bijden raide vander stat dat geliefde den vors(creven) pete(re)n de/ vors(creven) guedinghe inden name der vors(creven) weduwen tontfane dat/ hij dat doen mach Ende oft hem dat also niet en geliefde/ zoe setten zij p(ar)tien te rechte d(aer) en(de) also dat behoert actu(m) in/ pleno (con)silio p(rese)ntib(us) lyemi(n)gen m(er)cels et pluribus aliis de (con)silio/ m(ar)tii xxii