Item navolgende den vonnisse van scepen(en) van loven(en) gegeven m(ar)tii/ vii lestleden tusschen janne de hont aenlegghe(r) ter eender zijden/ en(de) janne hannarde ter ande(re) heeft op heden de selve jan hannarde/ de p(rese)ntacie die hem de selve jan de hont aldair dede aengenome(n)/ ende hebben desen achtervolgen(de) de selve p(ar)tien in wedersijde hen/ gesubmitteert en(de) verbonden vanden gescille dair om tselve/ gedinghe tusschen hen geweest is dair op de selve p(rese)ntacie/ geschiede in segge(re)n en(de) vriendelike effene(re)n Te weten(e) de voirs(creven)/ jan hannarde in gorde crabbe en(de) janne mas meye(r) van nethen(en)/ en(de) jan de hont in ja(m)marde ravir en(de) janne vanden berge in sulker/ vuegen dat de vors(creven) jan hannarde sijnen eysch den vors(creven) [sijnen] seggers/ en(de) de vors(creven) jan de hont zijn verantweerden d(aer) op sijnen seggers/ overgheven sullen en(de) dat de seggers getuygenesse en(de) alle claer/ nesse p(ar)tien dienen(de) aenhoe(re)n sullen op dats behoeft en(de) hue(r) uutsp(ra)ke/ dair af doen op dat zijs eens sijn en(de) oft zijs niet veraccorderen/ en zullen connen zullen zij de selve seggers eendrechtelic dan eene(n)/ overman kyesen [die] d(aer) af zijn uutsprake doen sal oft een vo(n)nisse van/ rechte voir scepen(en) van lov(en) opden wijn d(aer) af halen en(de) al bynnen viii/ daigen d(aer) af halen naestcomen(de) promitt(entes) rat(um) Ende oft e(n)nigher/ p(ar)tien segge(re)n gebrake dat zij in die stat and(er) sullen mogen neme(n)/ cor(am) abs(oloens) naus(nijdere) aprilis xxiii