It(em) ter stont nae desen hebben de vors(creven) segg(er)s eendrachtichlic gecore(n)/ daneele vand(er) maleysen g tot eene(n) overman op tpoint d(aer) mede/ jan ha(n)narde vors(creven) geheyscht hadde seggen(de) dat hij tgoet vand(en) royle/ dwelc hij in jairschare(n) gehouden hadde en(de) hij ov(er)gegeve(n) hadde nochta(n)/ dat sijne(n) t(er)mijn noch lange geduert soude hebben metgad(er)s den p(ar)cele(n)/ vand(en) beemde(n) eeussele(n) en(de) lande(n) d(aer) toebehoiren(de) die hij voir uut hadde/ liever behoude(n) hadde dan oftmen hem gegeven hadde vijftich rinsce/ gul(den) eens en(de) d(aer) inne de selve ja(n) ha(n)narde (con)cludeerde bij diversen/ reden(en) en(de) beg(er)de dat hem de vors(creven) jan de hont d(aer) voe(r) opleyde de/ selve l vijftich rinsche g(ulden) oft tghene de hem bijde(n) vorscr(even)/ segg(er)s den ov(er)ma(n) die sij eendrechtichlic neme(n) soude(n) oft uut(er)lic/ bij scepen(en) va(n) loven(e) d(aer) voe(r) uutgesproke(n) soude(n) wordde(n) (et)c(etera) van/ welke(n) pointe de selve jan de hont niets niet gedaen en woude/ hebbe(n) noch en woude d(aer) af niet gheve(n) bij diverse(n) reden(en) en(de) hebbe(n)/

eisd(em)
//
wair bij de selve segge(re)n hue(r) hande vand(en) selve(n) desen pointe/ gedaen hebben en(de) hebben tselve geheelic overgegeve(n) den vors(creven)/ daneele eisd(em)