It(em) jacop van muysen(en) en(de) jan barts vleeshouw(er)s te loeven(en)/ die a(nno) lix m(ar)tii t(er)cia borghe bleven enden hen v(er)oblig(er)den voir/ scepen(en) van loeven(en) en(de) met scepen(en) brieve(n) van loeven(en) voir henrike/ gooten van mechelen en(de) janne en(de) austijne gooten zijne sone(n)/ aen mag(ri)eten roelofs dochte(r) roelof roelofs werdynne willems/ vander loe en(de) cornelise roelofs sone des voirs(creven) roelofs voir acht/ saluyten jairliker lijfpen(sien) ten live d(er) selver mag(ri)eten en(de) cornel(ijs)/ oft tot des lestleven(de) van hen dair inne de selve roelof roelofs/ en(de) jouffr(ouwe) mag(ri)ete van sombeke sijn wijf en(de) de leste leven(de)/ van hen hue(r) heffen hadden en(de) behielde(n) voir welke borch/ tocht de selve henric goote(n) en(de) sijn sone(n) den vors(creven) jacoppe/ en(de) janne opden dach vors(creven) ter stont nade vors(creven) obligacie/ voir scepen(en) van loeven(en) bekinden een so(m)me van ii[c] rijders/ om dat sij hen d(aer) mede souden moigen hebben doen leiden/ nad(er) stat recht van lov(en) tot allen den goede(n) d(er) selv(er) bekind(er)s/ en(de) dat sij hen metten selve(n) souden moigen beholpen hebben/ aen de goede d(er) selver bekind(er)s tott(er) geheeld(er) lossinge(n) der/ vors(creven) borchtocht met allen acht(er)stelle pachte coste oft/ schaden hoedanich die wae(re)n het wae(re)n costen van rechte/ oft ande(re) die sij d(aer) o(m)me souden hebben moigen lijden in e(n)nig(er)/ manie(re)n In p(rese)ncia hebben gekint en(de) gelijdt openbairlic/ dat sij vand(en) selv(en) borchtocht overmits dat den p(ri)ncipale(n) brief/ d(er) vors(creven) acht salute(n) lijfpen(sien) gecasseert en(de) te nyeute gedaen/ es en(de) bijden vors(creven) henr(icke) goote(n) en(de) sijne(n) sone(n) afgeleecht/ en(de) gecontenteert geheelic en(de) wael gelost en(de) schadeloes/ onthaven sijn Scelden(de) dair o(m)me den selven henr(icke) goote(n)/ sijn sonen voirs(creven) en(de) alle ande(re) des q(ui)tan(cien) behoeven(de) en(de) hue(r)/ goede vand(en) voirs(creven) bekinbrieve d(er) so(m)men d(aer) innen begrepen/ en(de) des dien en(de) der vors(creven) borchtocht aencleeft en(de) voirt/ en allen ande(re)n saken en(de) gebreken oft eyschingen die
//
tot den daighe toe van heden tusscen hen uutstaen mochten/ volcomelic quite Geloeven(de) den selven noch hue(r) goede/ d(aer) af ne(m)mermeer aen te spreken te moeyen noch te vexeren/ bij hen selven noch nyeman(de) and(er)s in gheenen rechte gheestel(ic)/ noch weerlic in gheend(er) wijs cor(am) col(onia) couck(eroul) junii/ xxiii an(te) nona(m)