SAL7358, Akte: R°90.2-V°91.1 (190 van 511)
Akte R°90.2-V°91.1
Act
Datum: 1464-11-13
Taal: Nederlands
Transcriptie
2017-11-23 door Dominique Van DaeleIt(em) roelof wisschart en(de) jouffr(ouw) lijsbeth pans zijn wijf in deen zijde en(de) jan/
vanden hove sone wilen jans en(de) jouffr(ouw) katlijne sijn wijf dochte(r) der voirscr(even)/
jouffr(ouw) lijsbetten in dande(r) in tegewoirdich(eit) der scepen(en) van loeven(en) ges hier/
onder genoemt gestaen hebben openbairlijc en(de) bij hue(re)n vryen wille gekint/
en(de) gelijt dat sij bij middele en(de) tusschen spreken van e(n)nigen notabelen/
p(er)sonen hue(re)n magen en(de) vrinden eenswordden sijn ende beslicht van allen/
questien twisten en(de) gescillen die sij teghen malcande(re)n moighen hebben/
gehadt in e(n)nig(er) manie(re)n totten daighe toe van heden overmits d(er) pointe(n)/
clausele(n) en(de) ar(ticu)[len] h(ier) na v(er)clairt die welke zij deen den ande(re)n geloift/
hebben volcomelic tonderhoude(n) te voldoene en(de) allessins nae te volghe(n)/
niet tegenstaen(de) e(n)nighen behoeften oft munimenten voirmaels gedaen/
en(de) gemaict die e(n)nighen van hen ter (contra)rien mochte(n) dyene(n) Ierst hebbe(n)/
die vors(creven) roelof ende sijn wijf toegeseecht en(de) geloift dat sij soe eer/
soe bat hue(r) testament ende ordina(n)cie va(n) uut(er)sten wille maken selen/
en(de) d(aer) inne dispone(re)n ter salich(eit) van huer(en) zielen va(n) hue(re)n goeden in/
redelich(eit) na hue(re)n staet ad pios usus alleene sond(er) hue(r) goede have oft/
erve swaerd(er) te beslasten oft ewech te maken ende dat bij raide en(de)
//
avise vanden voirs(creven) janne ende sijnen wive Ende dat testament en/ sullen sij ne(m)mermeer wederroepen noch v(er)ande(re)n ende int selve revoce(re)n/ en(de) te nyeute doen alle testamente oft uut(er)ste ordinan(cien) die sij voirmails/ en(de) tot dien daige toe tsamen oft besundert mochte(n) hebben gemaict/ It(em) hebbe(n) de vors(creven) gehuysscen roelof en(de) sijn wijf geconsenteert ende/ gewillecoert ende hen d(aer) inne verbonden dat de vors(creven) jan vanden/ hove ende sijn wijf vande(n) goeden of rinte(n) die de selve roelof en(de)/ sijn wijf opden dach van heden besitten en(de) ten meeste(n) orboe(r) ende/ gerieve ende oic ond(er) die ghene die v(er)coepbair sijn ter stont v(er)copen/ sal moigen twintich rinsch(er) guld(en) erflic oft die weerde d(aer) af Ende/ d(aer) toe selen sij altijt des versocht vanden selven janne en(de) sijne(n) wive/ hant ende mont leene(n) en(de) die pe(n)ninghe d(aer) af comen(de) selen de selve/ jan en(de) sijn wijf trecken in reco(m)pensen en(de) v(er)guetsing(en) van dat de/ vors(creven) jan tot noch mette(n) vors(creven) sijne(n) wive egheen hijlix goet en/ heeft gehadt It(em) alle ande(re) omberuelike goede have vliegenderve/ ende ande(r) die bove(n) de vors(creven) twintich r(ijnscher) guld(en) die [de] voirs(creven) roelof/ ende sijne(n) wijf opden dach van heden besitten(de) sijn van wat nat(ur)en/ die wesen moigen die selen ter stont nae de doot d(er) vors(creven) jouffr(ouw)/ lijsbette(n) pans volgen vervallen ende verschine(n) op de voirscr(even)/ jans wive alse recht oir ende erfgename van dien met (con)dicien/ dat de vors(creven) jan ende sijn wijf uut oft op e(n)nige vand(en) selve(n) goede(n)/ oft rinte(n) wael ende loflic besetten bewijsen oft v(er)panden selen de(n)/ vors(creven) roelofve twintich r(ijnsche) guld(en) tsjaers lijfpen(sien) sijn leefdage lanc/ te twee t(er)mijne(n) tsjaers deen helicht binne(n) eene(n) halve(n) jae(r) nae/ de doot d(er) vors(creven) jouffr(ouw) lijsbette(n) ende dand(er) helicht bynne(n) jairs/ nae hue(r) doot ende alsoe voirt van t(er)mijne te t(er)mijne alsoe lange/ de selve roelof leven sal en(de) niet lang(er) Ende dat in gevalle/ oft hij de voirs(creven) jouffr(ouw) lijsbeth sijn wijf overleefde en(de) and(er)s nyet/ Ende in dien gevalle souden de voirs(creven) jan ende sijn wijf den selve(n)/ roelofve oic inde herberghe vand(en) weldeman oft elders wairt
//
dats de voirs(creven) roelof beg(er)de geve(n) ende bewijsen een redelike came(r)/ om die te gebruyken en(de) d(aer) uut en(de) inne te gaene sijn leefdaghe/ lanc en(de) niet langher Item es vorweerde dat de voirs(creven) jan ende/ sijn wijf van nu voirtaen in vaster vorweerd(en) en(de) sekerlic aen/ veerd(en) selen die voirs(creven) herberghe vanden weldeman en(de) den last/ van dier draghen soe sij een wijle tijts en(de) tot heer toe hebben gedaen/ Ende tot hue(re)n gerieve ald(aer) gebruyken ende besighen inden name des/ voirs(creven) roelofs ende sijns wijfs alle die have en(de) gereede goede d(aer) toe/ dyenen(de) Bij alsoe dat sij den vors(creven) roelofve en(de) sijn wijf ind(er) selver/ herbergen houden selen soe lange sij beide leve(n) van alle hue(re)r nootdorst/ van eten ende van drincken uutgenome(n) van wijne en(de) over al ind(er)/ voirs(creven) herbergen wandelen ende verke(re)n dairt hen best gelieft/ Mair als die voirs(creven) jouffr(ouw) lijsbeth aflivich wae(r) soe en souden die vors(creven)/ jan ende sijn wijf den voirs(creven) roelofve egheenen montcost [derven] ghene(n) mair/ sij souden hem die voirs(creven) came(r) moten stoffe(re)n van twee bedden en(de) ande(re)n/ redeliken huysalem eend(er) came(re)n behoeven(de) en(de) toebehoiren(de) die roelof sijn/ leefdaige dan besighen soude moighen en(de) nae sijn doot souden die gereede/ goede die de voirs(creven) roelof alsoe besighen mochte in sijnd(er) came(re)n weder/ den vors(creven) janne en(de) sijne(n) wive volghen ende alle dande(r) goede beruerlic/ oft omberuerlic die acht(er) de vors(creven) jouffr(rouw) lijsbeth als sij aflivich wordt/ het sij voir oft nar roeofve blive(n) sele(n) en(de) oic alle goede beruelic oft / omberuelic acht(er) den vors(creven) roelofve bliven(de) selen insgelix volgen de(n) vors(creven)/roelofve janne en(de) sijne(n) wive Behalve(n) alleene dat de vors(creven) roelof/
oft hij sijn wijf overleefde ende e(n)nighe gereede goede v(er)overt hadde/
dan van dien gereeden goeden een redelic legaet ter salicheit va(n) sijnd(er)/
sielen sal moighen maken ad pios usus Met vueghen voirt dat de vors(creven)/
jan vanden hove na de doot der vors(creven) sijnd(er) sweg(er) egheen vand(en) voirs(creven)/
erfgoeden oft rinte(n) die hem dan bliven selen sonder (con)sent en(de) bijsijn/
van sijne(n) wive voirs(creven) versetten v(er)coepen beco(m)me(re)n noch belasten en sal moige(n)
//
in gheend(er) manie(re)n Voirt hebben die vors(creven) roelof ende sijn wijf/ gewillecoirt oft de voirs(creven) jan vanden hove oic lang(er) leefde dan de/ vors(creven) jouffr(ouw) katlijne sijn wijf sonder oir van hue(r) te blive(n) dat hij/ dan in allen den goeden ende rinte(n) die voe(r) geruert sijn het ware/ dat die sijne(n) wive verschene(n) wae(re)n oft te verschijne(n) stonde(n) sijn/ tocht sijn leefdaige hebben ende behouden soude niet tegenstaende/ dat ande(r) vorwerde(n) d(aer) af wae(re)n oft dat hem die na lantrechte/ mochte(n) ontgaen ende dan nae sijn doot soude(n) die selve goede en(de)/ rinte(n) die acht(er) de vors(creven) moed(er) oft hue(r) docht(er) bleve(n) wae(re)n comen/ ende [ver]vallen op de rechte erfgenamen oft op de ghene die de vors(creven)/ jan ende sijn wijf in testamente oft anders die maken oft ordine(re)n/ selen te bliven mair oft de vors(creven) jouffr(ouw)jor katlijne oir oft wettige/
gebuerte creghe soe souden dan die goede en(de) rinte(n) die d(aer) waren/
d(er) selver oir volgen Ende van des(er) tractate sele(n) die vors(creven) p(ar)tien/
deen den ande(re)n ofts behoift altijt ter maniss(en) alle nootlike en(de) behoiflike/
vestich(eit) doen hant ende mont leene(n) ende besorghen alsoe dat elken/
van hen vast ende sekerlic onderhouden wordde ten coste vande(n) ghene(n)/
die die beghe(re)n sal Scelden(de) malcande(re)n quijte van allen gelufte(n) op/
tichte(n) oft eysschinge(n) die sij uut e(n)nige(n) saken oft vorweerd(en) voir desen/
dach overled(en) deen den ande(re)n e(n)nichsins soude(n) moige(n) eyssche(n) Gheloven(de)/
van nu voirtaen deen den ande(re)n buyte(n) desen tractate ne(m)mermeer aen/
te spreken te belasten te vexe(re)n noch te moeyen bij hen selve(n) noch/
bij nyemande and(er)s in gheene(n) rechte gheestelic noch weerlic/
in gheend(er) wijs mair malcande(re)n vand(en) inhouden van desen recht/
warant te sijne ende te blive(n) tot eeuwige(n) daigen cor(am) couck(eroul)/
nausnyde(re) no(vem)[br(is)] xiii
//
avise vanden voirs(creven) janne ende sijnen wive Ende dat testament en/ sullen sij ne(m)mermeer wederroepen noch v(er)ande(re)n ende int selve revoce(re)n/ en(de) te nyeute doen alle testamente oft uut(er)ste ordinan(cien) die sij voirmails/ en(de) tot dien daige toe tsamen oft besundert mochte(n) hebben gemaict/ It(em) hebbe(n) de vors(creven) gehuysscen roelof en(de) sijn wijf geconsenteert ende/ gewillecoert ende hen d(aer) inne verbonden dat de vors(creven) jan vanden/ hove ende sijn wijf vande(n) goeden of rinte(n) die de selve roelof en(de)/ sijn wijf opden dach van heden besitten en(de) ten meeste(n) orboe(r) ende/ gerieve ende oic ond(er) die ghene die v(er)coepbair sijn ter stont v(er)copen/ sal moigen twintich rinsch(er) guld(en) erflic oft die weerde d(aer) af Ende/ d(aer) toe selen sij altijt des versocht vanden selven janne en(de) sijne(n) wive/ hant ende mont leene(n) en(de) die pe(n)ninghe d(aer) af comen(de) selen de selve/ jan en(de) sijn wijf trecken in reco(m)pensen en(de) v(er)guetsing(en) van dat de/ vors(creven) jan tot noch mette(n) vors(creven) sijne(n) wive egheen hijlix goet en/ heeft gehadt It(em) alle ande(re) omberuelike goede have vliegenderve/ ende ande(r) die bove(n) de vors(creven) twintich r(ijnscher) guld(en) die [de] voirs(creven) roelof/ ende sijne(n) wijf opden dach van heden besitten(de) sijn van wat nat(ur)en/ die wesen moigen die selen ter stont nae de doot d(er) vors(creven) jouffr(ouw)/ lijsbette(n) pans volgen vervallen ende verschine(n) op de voirscr(even)/ jans wive alse recht oir ende erfgename van dien met (con)dicien/ dat de vors(creven) jan ende sijn wijf uut oft op e(n)nige vand(en) selve(n) goede(n)/ oft rinte(n) wael ende loflic besetten bewijsen oft v(er)panden selen de(n)/ vors(creven) roelofve twintich r(ijnsche) guld(en) tsjaers lijfpen(sien) sijn leefdage lanc/ te twee t(er)mijne(n) tsjaers deen helicht binne(n) eene(n) halve(n) jae(r) nae/ de doot d(er) vors(creven) jouffr(ouw) lijsbette(n) ende dand(er) helicht bynne(n) jairs/ nae hue(r) doot ende alsoe voirt van t(er)mijne te t(er)mijne alsoe lange/ de selve roelof leven sal en(de) niet lang(er) Ende dat in gevalle/ oft hij de voirs(creven) jouffr(ouw) lijsbeth sijn wijf overleefde en(de) and(er)s nyet/ Ende in dien gevalle souden de voirs(creven) jan ende sijn wijf den selve(n)/ roelofve oic inde herberghe vand(en) weldeman oft elders wairt
//
dats de voirs(creven) roelof beg(er)de geve(n) ende bewijsen een redelike came(r)/ om die te gebruyken en(de) d(aer) uut en(de) inne te gaene sijn leefdaghe/ lanc en(de) niet langher Item es vorweerde dat de voirs(creven) jan ende/ sijn wijf van nu voirtaen in vaster vorweerd(en) en(de) sekerlic aen/ veerd(en) selen die voirs(creven) herberghe vanden weldeman en(de) den last/ van dier draghen soe sij een wijle tijts en(de) tot heer toe hebben gedaen/ Ende tot hue(re)n gerieve ald(aer) gebruyken ende besighen inden name des/ voirs(creven) roelofs ende sijns wijfs alle die have en(de) gereede goede d(aer) toe/ dyenen(de) Bij alsoe dat sij den vors(creven) roelofve en(de) sijn wijf ind(er) selver/ herbergen houden selen soe lange sij beide leve(n) van alle hue(re)r nootdorst/ van eten ende van drincken uutgenome(n) van wijne en(de) over al ind(er)/ voirs(creven) herbergen wandelen ende verke(re)n dairt hen best gelieft/ Mair als die voirs(creven) jouffr(ouw) lijsbeth aflivich wae(r) soe en souden die vors(creven)/ jan ende sijn wijf den voirs(creven) roelofve egheenen montcost [derven] ghene(n) mair/ sij souden hem die voirs(creven) came(r) moten stoffe(re)n van twee bedden en(de) ande(re)n/ redeliken huysalem eend(er) came(re)n behoeven(de) en(de) toebehoiren(de) die roelof sijn/ leefdaige dan besighen soude moighen en(de) nae sijn doot souden die gereede/ goede die de voirs(creven) roelof alsoe besighen mochte in sijnd(er) came(re)n weder/ den vors(creven) janne en(de) sijne(n) wive volghen ende alle dande(r) goede beruerlic/ oft omberuerlic die acht(er) de vors(creven) jouffr(rouw) lijsbeth als sij aflivich wordt/ het sij voir oft nar roeofve blive(n) sele(n) en(de) oic alle goede beruelic oft / omberuelic acht(er) den vors(creven) roelofve bliven(de) selen insgelix volgen de(n) vors(creven)/
//
in gheend(er) manie(re)n Voirt hebben die vors(creven) roelof ende sijn wijf/ gewillecoirt oft de voirs(creven) jan vanden hove oic lang(er) leefde dan de/ vors(creven) jouffr(ouw) katlijne sijn wijf sonder oir van hue(r) te blive(n) dat hij/ dan in allen den goeden ende rinte(n) die voe(r) geruert sijn het ware/ dat die sijne(n) wive verschene(n) wae(re)n oft te verschijne(n) stonde(n) sijn/ tocht sijn leefdaige hebben ende behouden soude niet tegenstaende/ dat ande(r) vorwerde(n) d(aer) af wae(re)n oft dat hem die na lantrechte/ mochte(n) ontgaen ende dan nae sijn doot soude(n) die selve goede en(de)/ rinte(n) die acht(er) de vors(creven) moed(er) oft hue(r) docht(er) bleve(n) wae(re)n comen/ ende [ver]vallen op de rechte erfgenamen oft op de ghene die de vors(creven)/ jan ende sijn wijf in testamente oft anders die maken oft ordine(re)n/ selen te bliven mair oft de vors(creven) jouffr(ouw)
Nagekeken door: Dominique Van Daele , Dominique Van Daele
Moderator: Kristiaan Magnus
Laatste update:: 2016-06-13 door Agata Dierick