Item jan van opleeuwe als procur(eur) en(de) vorgenge(r) des edelen/ jonch(e)r jacops van herckentheele in deen zijde en(de) henr(ic) langwouts/ woenen(de) inde prochie van sinte clausputte die wynne is
//
des vors(creven) jonch(e)r(e)n in sijnen hof te bardeghem ter ande(re) die op heden tegen/ malcande(re)n dach van rechte hadde(n) inden banc voir meye(r) en(de) scepen(en)/ van loven(en) hebben dien dach in alle der manie(re)n also hij op [heden] diende/ uutgestelt tot des yersten dijsendaeghs na sinte peters dach/ in augusto naestcomen(de) Bij also dat de selve p(ar)tien bynne(n)/ desen middelen tijde eenen gelegen(en) dach en(de) plaetse malcande(re)n/ beteken(en) sullen om te verstane totter rekeni(n)gen te gescille tussche(n)/ den vors(creven) jonch(e)r jacope en(de) jonch(e)r(e)n willem(me) van merode en(de) den/ vors(creven) henr(icke) uutstaen(de) en(de) [om] d(aer) af een eynde te maken dwelc/ de selve p(er)sone also gelooft hebben tachtervolgen en(de) malcande(re)n/ de gebreke der selver de rekeni(n)ge d(aer) af geschiet zijnde te/ voldoene als vervolghde en(de) verreicte schout abs(oloens) nausnide(re)/ junii xi