Item wouter de mu(n)te(re) geheten de brieve(re) woenen(de) ter sluysen in p(rese)ncia heeft/ genomen en(de) bekint dat hij genomen heeft vanden provisoirs/ en(de) mombors der tafelen des heyligengheest van loven(en) de/ goede hier nabescreven Te weten(e) inden yersten ii(½) dachmale/ lants paulo gelegen ter sluysen opden spelthof tusschen den goeden/ des heyligengheest van meldert op deen zijde en(de) henr(ic)/ druys op dand(er) Item een stuc lants gelegen ald(air) opt hoegh/ velt houden(de) ii(½) dach(male) paulo tusschen den goeden der firmarien/ vand(en) beghijnhove bynnen lov(en) en(de) den goede des vors(creven) wout(er)s/ Item een stuc lants houden(de) iii dachmale paulo gelegen opt selve/ velt tusschen den goede mych(iel) absoloens en(de) willem(me)/ crassart Te houden te hebben en(de) te wynnen van half m(er)te/ naestcomen(de) eenen termijn van xviii jae(re)n lant deen na/ dand(er) sonder middel vervolgen(de) Elx jaers dae(re)nbynnen/ om en voir twee mudden rox goet en(de) payabel d(er) mate(n)/ van lov(en) met wanne en(de) vlogelen wel bereit ts(int) andriesmess(en)/ te betalen en(de) te loven(en) te leve(re)n der vors(creven) tafelen en(de) hue(re)n/ procur(eur) quolib(et) ass(ecutu)[m] Item es vorweerde dat de vors(creven) wouter/ de vors(creven) lande den vors(creven) t(er)mijn lanc due(re)nde jairlix wynnen/ werve(n) en(de) mesten sal wel en(de) loflic gelijc reengenoten/ boven en(de) beneden en(de) tzijne(n) afscheiden sal hij die laten/ gelic hij die aenverde Te weten(e) dierste duc lants/ met wynter coren tweeste tstuc lants brake somer coren besayet/ en(de) tderde stortte op zijn getide voren En(de) dese vorwerden (et)c(etera)/ pynnoc naus(nijdere) dec(embris) iii