Item margriete weduwe henricx wilen welkarts en(de) henric welkarts/ hue(r) sone hebben geloft ongesundert henricke boelart dien van/ ons gened(ichs) he(re)n wegen gelevert zijn alle hue(r) goede have en(de)/ erve voir zijn gebrec dat hij heeft op de selve uut crachte/ van scepen(en) brieve(n) va(n) lov(en) dat in die selve goede niet en sullen/ ontvremden verlonen belasten noch hue(r) dier quijtmaken in/ e(n)niger manie(re)n mair sullen die bliven staende en(de) berusten/ in sequester alse die nu staen tot des goensdaghe na beloken(en)/ paesschen naestcomen(de) en(de) d(aer) na tot welken daghe die vors(creven)/ moeder en(de) sone gelooft hebben tegen den vors(creven) henricke den/ dach die op morgen gedient soude hebben en(de) nu uutgesedt is/ te rechte te comen voir m(ijn) gened(ichs) he(re)n raet en(de) aldair recht/ ten eynde uut te wachten en(de) hue(r) goede te verantweerden/ en(de) dae(re)nteynden de goede te laten volghen voir des dair ghewijst/ sal worden cock(eroul) naus(nydere) ja(nuarii) ii