Om des wille dat bij henneke(n) hubrechts jonge scolier d(aer) jan de/ man metse(r) en(de) thomas loomans mo(m)bore(n) af zijn mychiel vand(er)/ mande(n) gehete(n) van ijssche d(er) stad knape voir zeke(re) acht(er)stellige(n)/ erfpacht van eene(n) halve(n) mudde corens gedaecht is voir/ den (con)s(er)vatoir d(er) univ(er)sit(eit) va(n) loeve(n) bove(n) en(de) in (con)t(ra)rie(n) van/ dien dat tussce(n) de voirs(creven) p(ar)tie(n) onlanx een zeke(re) deylinge/ voir scepen(en) va(n) loeven(en) yndelijc gemaect en(de) gepasseert is/ Ende dat de voirsc(reven) mychiel p(rese)nt(er)de te thoene(n) met goede(n)/ ma(n)ne(n) die ov(er) dmake(n) d(er) voirs(creven) deylingen waren dat d(aer)/ inne v(er)redent was dat de(n) acht(er)stellige(n) pacht v(er)smelte(n) soude/ vande(n) welke(n) hij zijns v(er)meets volqua(m) Soe w(er)t ov(er)drage(n)/ bij de(n) raide vand(er) stad en(de) de(n) voirs(creven) p(ar)tie(n) uutgesproke(n) waert/ dat de voirs(creven) mychiel oft de zijne(n) vande(n) voirs(creven) jonge(n) te(n)/ ocsuyne vand(en) voirs(creven) acht(er)stellige(n) pachte e(n)nige(n) last hadde/ gehadt oft voirtane lede dat de voirs(creven) jan de man en(de) thomas/ he(n) dien geheel en(de) al afdoen en(de) v(er)richte(n) soude(n) actum in/ pleno (con)silio m(ar)tii viii