Item voir den raide vander stat zijn come(n) arnt de witte sone/ willems de witte in deen zijde en(de) augustijn coreken in dander/ alse van eenen scepen(en) brieve van lov(en) vander daet xiiii[c] lx xxvi/ in julio bekint bijden vors(creven) arnde als principael en(de) her janne coreken/ priester brueder des vors(creven) augustijns als borghe mychiele loenkens/ en(de) sijnen wijve tot hue(re)n en(de) des lanxsten leven(de) van hue(re)r beider/ live van eenen rijder en(de) eenne vierendeele tsjaers vallen(de)/ alle jair xxvi dage in julio Voir welcke lijfpensie en(de) in meerder/ vestich(eit) van dien de vors(creven) her jan gelijc tregister onder den selven/ scepen(en) brief begrijpt metten hee(r) den vors(creven) mychiele in handen gesedt/ hadde als pant twee selve(re)n croese wegen(de) tsamen xi(½) onche en(de)/ eenen swerten mans tabbart met grauwen bonte gevoedert Welken/ scepen(en) brief de vors(creven) mych(iel) den vors(creven) augustijn hadde ov(er)gegeve(n) met/ rechte en(de) de pande hem laten volgen en(de) d(aer) na hadde de selve/ augustijn dien gevonnist en(de) dair voir den vors(creven) arnde doen houden/ dwelc de selve arnt meynde dat tonrechte wae(r) en(de) dat hij also bove(n)/ reden(en) en(de) recht soude zijn beswaert Want al mochte hij die den/ vors(creven) he(re)n janne te dier tijt diende en(de) een jonc ombekint man/ in dien ond(er) zijn xxv jair hem p(ri)ncipael hebben laten setten bij/ informacien des vors(creven) he(re)n jans nochtan hadde de vors(creven) her jan/ de pe(n)ninge vand(en) vors(creven) lijftocht gestreken en(de) de pande gesedt des/ hij oic p(rese)nteerde certificacie vanden vors(creven) he(re)n janne te bringen/ Dair om hij hoopte na dbescheit dat dair af en(de) van ande(re)n pointe(n)/ hier inne dienen(de) wae(r) dat hij der vors(creven) lijftocht ontslagen soude/ wesen en(de) vanden vors(creven) scepen(en) brieven ongelast Vanden welken/ de vors(creven) augustijn met certificacien p(rese)nteerde de (con)trarie te bewisen/ hopen(de) in zijnen scepen(en) brieven gehouden te worden tot hij dair uut/ soude zijn verwonnen voir meye(r) en(de) scepen(en) van loven(en) dair die scep(enen)/ brieve(n) behoerden Also dat hier op bijden raide vander stat over
//
dragen en(de) get(er)mijneert wert p(ar)tien al int langhe gehoert en(de) de wairh(eit)/ en(de) certificacien des vors(creven) arnts en(de) oic de wairheit des vors(creven) augustijns/ dat zoe verre de vors(creven) augustijn den vors(creven) arnde metten vors(creven) scepen(en) brieve(n)/ belasten woude dat dan de selve augustijn den selven arnde overgeve(n)/ soude oft dair aen te baten laten comen de vors(creven) pande behoudelic eene(n)/ yegeliken dien dat behoert zijn actie en(de) recht vand(er) geloften van/ ontheffen inden selven scepen(en) br(ieven) geruert Actum in pleno (con)silio m(ar)tii/ xiii