Voir den rade vander stad zijn comen de bedesetters van herent/ metten meyere aldair in deen zijde en(de) roelof roelofs in/ dande(r) om der bede(n) wille die de voirs(creven) bedesetters vande(n)/ voirs(creven) roelove van zijne(n) hove van tudekem aldair meynde(n) te hebbe(n)/ dair jege(n) de voirs(creven) roelof seyde houdende de (con)t(ra)rie dat hij zijn/ goede van tudekem voirs(creven) gecrege(n) heeft jege(n) gevrijdde p(er)sone/ die dair noit bede af en gaven en(de) also meynde hij want hij/ een ingesete(n) poirte(r) is der stad va(n) loeven(en) d(aer) af onbelast te bliven/ Dair op was overdragen en(de) tusscen den voirs(creven) p(ar)tie(n) gecleert geslote(n)/ en(de) uutgesproken dat de voirs(creven) roelof vande(n) voirs(creven) goeden mede/ te contribuere(n) ongehoude(n) zijn sal actu(m) in pleno (con)silio m(ar)tii p(ri)ma