Item jan op den berch rintmeester des edelen jonch(e)r jacops greve/ te salmen hee(r) van rotselair (et)c(etera) als geleit na den rechte der stad/ van loeven(en) tot allen den goede(n) beyde have en(de) erve des selfs jonch(er)/ jacops in p(rese)ncia heeft gekint en(de) gelijt gehave(n) te hebbe(n) en(de) ontfa(n)ge(n)/ vanden edelen en(de) moegen(de) jonch(e)r janne greve te nassouwe(n) tsare(n)/ brugge(n) hee(r) te heynsb(er)ge te leeuwenberge te diest te sichen(en) (et)c(etera)/ en(de) dat bij handen mathijs vande(n) rode rintmeesters des voirs(creven) jonch(er)/ jans inden lande van dieste de helicht va(n) c xli r(ijnsche) gul(den) i st(uver)/ vi mit(en) van dien ii[c] lv(½) r(ijnsche) gul(den) i st(uver) vi mit(en) erflic die den voirs(creven)/ jonch(er) jacop en(de) jouffr(ouwe) magr(iete) roelants weduwe joes wile(n) abs(oloens)/ jaerlijcx en(de) erflic heffende zijn opde goede chise en(de) pachte des/ voirs(creven) jonch(er) jans bescr(even) in zeke(r) scepen(en) br(ieven) va(n) loeven(en) d(aer) op gemaect/ te tween t(er)mijne(n) te wete(n) deen helicht te bamisse en(de) dand(er) helicht/ te paessche(n) en(de) dit vande(n) t(er)mijne va(n) bamisse lestleden Bekinnen(de)/ he(m) de voirs(creven) jan opde(n) berch als voe(r) vand(er) voirs(creven) helicht van c/ xli r(ijnsche) guld(en) i st(uver) vi mit(en) te bamisse lestlede(n) gevallen volcomelic v(er)nuecht/ en(de) wel betaelt Scelden(de) volcomelic d(aer) af quite de(n) voirs(creven) jonch(er) janne/ zijne(n) rintmeest(er) voirs(creven) en(de) alle ande(re) dient aengaen mach vande(n) voirs(creven)/ t(er)mijne va(n) bamisse lestlede(n) en(de) van alle(n) voirleden(en) t(er)mijne(n) couck(eroul)/ nausnyde(re) ap(ri)lis p(ri)ma