Item want ter kynnessen vanden burg(er)meester comen is dat wout(er)/ colve als nu afhendich en(de) buten lants [sijnde] sculdich was janne de witte/ sone wilen jans en(de) willem(me) karijs samentlic drie cronen te xxiiii/ st(uvers) tstuc van geleenden ghelde also p(ar)tien hebben gecleert ende/ doen cleren En(de) p(ar)tien tande(re)n tijden mits gebreke hue(re)r betaling(en)/ seke(r) rastemente geleeght hebben Soe heeft geconsenteert jouffr(ouwe)/ m(ar)griete colve wettige suster des vors(creven) wout(er)s oft jan spechx hue(r)/ procur(eur) in hue(re)n name en(de) bij weten vand(er) stat dat dese drie/ cronen verleeght en(de) uutgereict worden bij consente der wed(er)p(ar)tien/ te weten(e) deen crone d(aer) af jorise den hont wissele(r) die die v(er)leeght/ hadde d(aer) voir hij gelooft heeft inne te stane dand(er) den vorscr(even)/ jannne de witte en(de) de derde den vors(creven) willem(me) carijs en(de) voir de
//
vors(creven) ii cronen oft namaels bevonden worde dat de vors(creven) wouter die/ betaelt hadde oft niet sculdich en wae(r) hebben gelooft jan de witte/ vors(creven) en(de) jan van baerle leghwercke(r) woenen(de) inden corttenbruel en(de)/ willem van bruessel molde(r) sone wilen jans tallen tiden inne te/ stane te verantwerden en(de) weder te keren als vervolghde schout/ Ende op dese vueghe heeft joris zijn crone jan de witte de/ zijne en(de) jan van barle de derde bekint gehaven te hebben / uut handen jans spechx vors(creven) cor(am) m(er)cels burgim(a)g(ist)ro ap(ri)lis/ quarta