Allen den ghene(n) die dese l(ette)ren selen sien oft hoe(re)n lesen/ burg(er)meest(ere)n scepen(en) en(de) raet d(er) stad va(n) loeven(en) saluit Doen te/ wete(n) dat op de(n) dach van heden datu(m) va(n) desen voir ons come(n)/ is in p(ro)pren p(er)sone henric van rest sone wile(n) henricx diene(r) des/ meyers va(n) loeven(en) en(de) heeft mechtich gemaect geconstituert gesedt/ volcome(n) p(ro)curacie et auc(tori)teyt gegeve(n) janne va(n) rest zijne(n) brueder/ wille(m) van scoeland en(de) henric de rademake(re) oft de(n) eene(n) va(n) hen bring(er)/ sbriefs alle alsulke(n) saken ende questie(n) alse de voirs(creven) henr(ic) va(n) rest/ uutstaen(de) heeft oft namaels hebbe(n) soude moege(n) voir wat gerichte/ gheestelijc oft weerlijc dat dat zijn oft gescien mochte Alle/ zijn jaergulde(n) sculde(n) opcomi(n)ge(n) ende v(er)valle(n) alle zijn goede ber(uerlic)/ ende onber(uerlic) chise(n) rente(n) erfpachte(n) als hij heeft en(de) namaels/ hem valle(n) sele(n) inde(n) lande van brabant oft elde(r) te wat plaetsen/ dat hij die uutstaende heeft ende men hem die sculdich is oft/ namaels wesen sal in e(n)niger manie(re)n te verware(n) te mane(n) teyssce(n)/ opte buere(n) en(de) tontfange(n) tege(n) oft aen wat p(er)sone(n) oft oec tot wat/ plaetsen dat dat zijn mach dair voe(r) te pande(n) te daghe(n) te/ beleyde(n) rasteme(n)te te doen legge(n) die met rechte te exequere(n)/ te v(er)volgen en(de) te vorde(re)n na costume en(de) gewoente(n) vande(n) plaetsen/ dair dat behoire(n) oft behoeve(n) soude moege(n) En(de) op dats noot geboirde/ voir alle richte(re)n gheestelijc en(de) weerlijc met rechte te v(er)antwerde(n)/ te bescudden te bedinge(n) die te wy(n)nen(n) en(de) et v(er)liesen composicie ende/ mynlike yffeni(n)ge d(aer) af te make(n) den sculders va(n) dat zij en(de) elc/ van hen ontfange(n) sal te quitere(n) volcome(n) q(ui)ta(n)cie d(aer) af te gheve(n)/ donber(uerlicke) goede des voirs(creven) henricx te hantplichte(n) te v(er)pachte(n) te/ v(er)huere(n) en(de) met jaerschare(n) uut te gheve(n) En(de) g(e)n(er)alic en(de) specialijc/ dair inne te doene en(de) te vordere(n) allet des bij de(n) voirs(creven) geco(m)mitt(er)de(n)/ henr(icke) va(n) rest oft hij telk(er) plaetse(n) jeg(en) en(de) voir oege(n) ware d(aer)/ inne gedaen en(de) gevordert soude moege(n) werde p(ro)mitt(entes) rat(um) et q(uod)/ p(ro)cu(rato)res facie(n)t (com)putu(m) et ass(erti)[o(n)e] de fac(ul)t(atis) et recept(oribus) maii xi