It(em) de vors(creven) her arndt en(de) jonch(e)r arnd renu(n)c(ians) hebben geloift/ indivisim dat sij den vors(creven) hue(re)n derthien borghen bi(n)ne(n) de voirs(creven)/ vi weken selen doen hebbe(n) en(de) leve(re)n br(ieven) va(n) trouwe(n) en(de) eere(n) ond(er)/ hue(r) zeghele en(de) ond(er) de zeghe va(n)de(n) voirs(creven) h(er) woute(r) jonch(e)r rase/ en(de) her jacoppe inhouden(de) oft de selve borge(n) e(n)nich gebrec bevonde(n)/ inde(n) inhouden(de) vande(n) scepen(en) brieven(n) van loeven(en) in al oft in/ deele dat dan de voirs(creven) her aert met drie reysige(n) p(er)de(n) en(de)/ twee knechten en(de) elc vanden andere(n) viere(n) met twee gelike(n) p(er)de(n)/ en(de) eene(n) knecht binne(n) acht daghe(n) na dat zijs v(er)maent selen/ zijn aen hue(r) p(er)sone oft tot huerre woenstad te loeven(en) income(n)/ selen in eenre(n) herb(er)gen diemen hen condige(n) sal en(de) aldair bliven/ leystende therende en(de) getidige maeltide houden(de) tot dat zij allet/ voldaen en(de) volbracht selen hebben des de selve scep(enen) br(ieven) beg(re)pen/ en(de) die p(er)de oft zij storve(n) oft verleyst worden v(er)nuwe(n) alsoe/ dicwile(n) alst geboiren mochte Ende dat de voirs(creven) he(re)n de cano(n)ke/ en(de) meest(er) henr(ic) hen selen alsdan oec bekinne(n) brieve voir/ notar(is) en(de) getugen sub penis came(re) in meliori forma Ende/ tot dien dat dese lijftocht zij quiten ende afleggen selen/ te wete(n) hondert rijnsch(e) gulden(en) lijftochte(n) binnen eenen jae(r)/ naestcomende ende tremana(n)t binne(n) i jare dair na v(er)thiden(de)/ tot des voirs(creven) is alle hue(r) goede jeg(enwoirdige) en(de) toecomen(de) en(de) renu(n)cieren(de)/ allen p(ri)vilegien in meliori forma cor(am) eisd(em)