Cont zij allen lieden dat henric vander molen sone wilen jorijs ende lijsbeth traps/ sijn wijf in yegenwordicheden der scepen(en) van loven(en) gestaen hebben genomen/ en(de) bekint dat zij genomen hebben van jouffr(rouwe) lijsbetten van loe weduwe gheerts/ wilen vanden bossche passe dwinhof metten huysen hoven wynnen(de) lande en(de)/ allen zijnen toebehoerten toebehoe(re)nde der vors(creven) jouffr(ouwe) lijsbetten alsoet gelegen/ es onder meylensbosch tusschen den selven bosch en(de) den lombaertbosch Te/ houden te hebben en(de) te wynnen van halfmerte naestcomen(de) eenen t(er)mijn/ van neghen jae(re)n lanc deen na dander sonder middel vervolghen(de) Elx/ jairs dae(re)nbynnen om en(de) voir thien mudde rox alsulcx als opt goet/ wassen sal en(de) acht mudde terwen elx grains goet en(de) payabel der/ maten van lov(en) met wanne en(de) vlogelen wel bereit tsinte andries/ messe inde apostels te betalen en(de) te loven(e) ten huyse der vors(creven) jouffr(ouwe)/ te leve(re)n den vors(creven) termijn lanc due(re)nde quolib(et) ass(ecutu)[m] behalven dat/ de vors(creven) wynne op dierste jair mair gheven en sullen dan achthien/ mudde corens alsulcx als sij opde lande wynne(n) sullen Item es vorw(er)de/ dat de vors(creven) wynne alle jae(re) tstroe vanden vors(creven) goeden comen(de) sal [sullen] moeten/ te meste bekeren int voirs(creven) hof en(de) tselve opde vors(creven) lande vue(re)n alsoe wale/ ten versten als ten naesten dslants meesten proffite Item sal de vors(creven)/ jouffr(ouwe) gehouden sijn den vors(creven) wynnen soe wanneer zij tvoirs(creven) coren leve(re)n/ sullen den montcost te gheven en(de) hue(re)n peerden staellagie en(de) ruvoed(er)/ Item sullen de vors(creven) wynne jairlix gheven der vors(creven) jouffr(ouwe) een halff/ mudde witter erweten en(de) een half mudde raepsaet d(er) maten/ van lov(en) te betalen en(de) te leve(re)n als voir quolib(et) ass(ecutu)[m] Item es vorw(er)de/ soe wanneer de voirs(creven) wynne in redelicheiden gewonnen zullen/ hebben raepsaet dat sij dan der vors(creven) jouffr(ouwe) een half mudde/ d(aer) af loven(sche) mate betale(n) en(de) leve(re)n sullen als voir mair zoe/ wanneer de selve wynne mair halven saet gewonnen en sullen/ hebben en sullen zij d(er) selver jouffr(ouwe) alsdan mair een halster/ raepsaet gehouden zijn te gheve(n) en(de) te leve(re)n ind(er) manie(re)n als/ voir en(de) oft zij gheenen saet en wonnen sullen zij dan dair/ af ongehouden zijn Item es vorweerde dat de vors(creven) wynne ten/ afscheiden van hue(re)n vors(creven) t(er)mijne den art die zij bevonden ende/ aenvert hebben besayet dien weder also wel lofflijc gewonnen/ en(de) besayet gelijc reengenoten laten zullen Item sullen zij de brake/ laten eens omgedaen oic gelijc reengenoten en(de) twee boender/ stortten gelijc sijse bevonden hebben Item sal de vors(creven) jouffr(ouwe) hebben/ te haerweert eenen solde(r) boven den pertstal vanden voirscr(even) wynhove
//
dovenhuys met sijnder came(re)n en(de) toebehoerten sonder de wynne e(n)nige recht/ dair inne te behouden oft te hebben Item sall [sullen] de vors(creven) wynne de vors(creven)/ goede wel en(de) loflic beheymen en(de) bevreden van thuynen en(de) die/ laten also thue(re)n afscheiden want sijse also aenverden Item sullen de / vors(creven) wynne jairlix moeten leve(re)n int vors(creven) hof driehond(er)t/ meylemsche walme(re) om die op de huysinge vanden vors(creven) hove/ te verdecken en(de) als men die aldair verdecken sal oft e(n)nige/ ande(re) rep(ar)acie van ouden wercke aende vors(creven) huysinge doet soe sal [sullen] de/ vors(creven) wynne den wercluden den montcost gheven en(de) de jouffr(ouwe) sal/ de dachue(re)n betalen uutgescheiden wes aende vors(creven) huysinge vand(er)/ underster rikelen nederweert gebroken wordde oft bynnen den vors(creven)/ t(er)mijne gebrake dat sullen de selve wynne alleene doen maken en(de)/ r(e)pareren op hue(re)n cost en(de) dat also gemaect en(de) ten uutgane/ huers t(er)mijne(n) gerepareert laten Item es vorweerde dat allet tstroe/ dat ten lesten jae(r) vanden vors(creven) t(er)mijne overbliven sal bliven/ sal int vors(creven) hof de sonder de selve wynne dat te mogen ewech/ vue(re)n Ende allet mest voir hue(re)n afscheiden bynnen den voirs(creven)/ hove gemaect sullen de wynne moeten vue(re)n opten behoirliken/ art oft dair ment hen bewisen sal en(de) also thue(re)n afscheiden den/ mesthof aldair geruympt en(de) reyn leve(re)n Item es vorweerde/ dat de vors(creven) wynne negheen vanden vors(creven) goeden en sullen moge(n)/ uutgheve(n) noch verpachten aen yeman(de) anders den voirs(creven)/ t(er)mijn lanc due(re)nde sonder (con)sent m(ijns) jouffr(ouwe) vors(creven) mair sullen/ de selve wynne die selve moeten houden en(de) wynnen Ende/ alle dese vors(creven) vorweerden condicien en(de) gelooften (et)c(etera) Inde sunt/ fideiussores judocus becke(re) pistoris (com)morans pronu(n)c sup(ra) groenam/ et jasp(er) lesens (com)morans apud egenhoven Et duo p(ri)mi col(onia)/ cocker(oul) aug(usti) xxvii