Alsoe als reyne(re) duyvenvoet legwercke(re) int recht betoge(n) hadde lod(ewijcken)/ de molde(re) briede(re) om deswille dat hij ind(er) absen(cie) des selfs reyners/ midts der vluchtine(re)n loepen(de) dat hij geruymt soude zijn te(n) huyse/ des voirs(creven) reyners come(n) ware mette(n) diene(re) en(de) knape aldair panden(de)/ voir schout va(n) hoppe(n) de have des voirs(creven) reyners Meynen(de) dat lod(ewijc)/ tonrechte dat gedaen hadde wa(n)t hij noyt in meyni(n)ge(n) was te ver/ trecke(n) oft te ruyme(n) Dair op de voirs(creven) [lod(ewijc)] seyde dat tgene dat hij/ gevordert hadde dat hijt hadde gedaen na de(n) rechte d(er) stad va(n)/ loeven(en) en(de) bij (con)sente des borg(er)meest(er)s en(de) dat meer is ware/ des voirs(creven) reyners wijf come(n) in p(er)sone na d(er) pendinge(n) voir/ de(n) rad burg(er)meest(er) te loeven(en) bidden(de) en(de) beghe(re)nde dat de/ geswore(n) schatters de pande aenv(er)den wa(n)t zijs soe vele niet en/ soude co(n)ne(n) v(er)coepe(n) alst geschat was Op dwelc de voirs(creven) reyne(re)/ alleg(er)de en(de) dat seyde dat zijn wijf zijn mo(m)boir niet en ware/ en(de) wat zij gedaen hadde en(de) hielt hij va(n) gheenre w(er)de(n) Met/ meer woerde(n) die talle(n) zijnde aldair v(er)redene wordes Soe/ hebbe(n) de he(re)n vande(n) rade ov(er)slage(n) en(de) voir oge(n) geleecht allet/ des va(n) dese(n) ov(er)lede(n) en(de) gehanteert was geweest ghet(er)min(er)t/ en(de) uutgesproken voir recht dat de vorderinge die [bij] de voirs(creven)/ lod(ewijc) hier inne gedaen en(de) voertgekeert was dat zij die hielde(n)/ voir recht en(de) dat reyne(re) met zijne(n) v(er)sueke in dese(n) v(er)doolt ware/ om e(n)nige restitucie te hebbe(n) vand(en) selven lod(ewijcken) febr(uarii) xxi