Wij tymple langrode scepen(en) te loeven(en) doen cond allen lieden dat voir/ ons comen zijn in prope(re)n p(er)sone arnold(us) kyp secretar(is) jan mercels/ jan ouderogghe en(de) tielman van schoenenberghe alse segge(re)n gecore(n)/ ende genome(n) van janne van coelen(en) in deen zijde en(de) gielise van/ coelen(en) zijnen sone vanden voerbedde in dande(re) op alsulke(n) gescille(n)/ als zij tegen malcande(re)n uutstaen(de) hadde(n) nae inhoude(n) den (com)promisse/ tusscen p(ar)tien gesciet opden xxix[te(n)] dach va(n) aprille lestled(en) En(de) hebbe(n)/ aengehoirt allet ghene des p(ar)tien hebben willen allige(re)n thoenisse en(de)/ munimente van brieven dien aencleven(de) hue(re) uutsprake eendrach/ tichlijc dair af gedaen inder manie(re)n soe hier nae volcht Inden/ yersten want de voirs(creven) gielijs van colen vanden voirs(creven) janne van/ colen sijne(n) vader voldaen es vanden hondert rinsche guld(en) hem/ bij zijnd(er) moeder in testamente gelate(n) ende vand(en) successien van/ janne wilen vanden putte ende katlijne(n) van coelen gielijs sust(er)/ dats mits dien de selve jan van colen van allen dien goeden sal/ moigen doen zijnen vryen wille sonder den voirs(creven) gielise dair/ inne bij successien gericht te sijne oft actie te moigen hebben/ Item dat gielijs van colen sonder sijnen cost sal approbe(re)n en(de)/ believe(n) voer hoff en(de) hee(re) in sulker vueghen dat in rechte genoech/ zijn sal alsulken guedinghe alse de voirs(creven) jan van colen gedaen/ heeft aerde wilen vanden velde vander helicht van vier boend(ere)n/ beempts leens geheeten pijlijsersbeemt te lyntre geleg(en) Desgelix/ de guedinghe die de selve jan heeft gedaen janne geheeten/ pyntincx van eene(n) [twee] stucke leens geleg(en) te huldenberghe Insgelix/ de vestich(eit) en(de) dontfanc dat augustijne van coelen zijne(n) brued(er)/ vanden nae bedde gesciet es van eenighen porceelen van leene/ die gehouden zijn vanden heerscape van huldenberghe in sulker/ vueghen dat de selve leene den voirs(creven) coepe(re)n en(de) augustijne blive(n)/ ende volgen selen ombelet vanden voirs(creven) gielise oft sijne(n) erfgename(n)/ Item dat in reco(m)pensacien van dien en(de) voe(r) alsulken actie oft/ int(er)est alse de voirs(creven) giel(ijs) inde voirs(creven) leene e(n)nichsins hebben/ soude moigen nu oft nae de doot zijns vors(creven) vaders de selve
//
gielijs van colen hebben sal die goede hier nae bescreve(n) Te wete(n)/ die woeninghe dair inne de voirs(creven) jan van colen nutertijt woent/ geleg(en) inde borchstrate tusscen die goede jans switten en(de) thuys/ des vors(creven) jans van colen geheete(n) dweefhuys strecken(de) achterw(er)t/ metten hove en(de) ramen tot aen den bogairt jans switten Ite(m)/ dat den selven gielise noch volgen selen twee huyse(n) mette(n) hove(n)/ gelege(n) naest der voirs(creven) woeni(n)ge(n) dair af deen geheete(n) dweefhuys/ en(de) dand(er) dair naest geleg(en) strecken(de) acht(er)weert de selve twee/ huyse op de zijde ts(in)te g(er)trud(en) weert lijnirechte van voe(r) ter strate(n)/ tot aen tcleyn beghijnhof ald(aer) Ende desgelix noch twee rinsche/ guld(en) erffchijs die de voirs(creven) jan heeft op een huys en(de) hof jans/ berchma(n)s geleg(en) inde borchstrate tusscen jan va(n) coelen(en) en(de) jan/ van erenbodeghem Te hebben en(de) te aenveerd(en) nae de doot des/ voirs(creven) jans van colen ende zijns wijfs en(de) niet eer des lestlevende va(n)/ hen beyden en(de) niet eer Item noch twee vierdeel wijngarts geleg(en)/ opte(n) nyeuwe(n) roesselberch neve(n) een tusscen de goede pet(er)s wile(n) vra(n)x/

de henrix golijs en(de) jans vande(n) velde nae de doot des vors(creven) jans van colen/ te aenveerd(en) Met welken goeden voirs(creven) die voirg(enoemde) jan va(n) colen/ bij crachte vanden testamente gemaict bij zijnen yerste(n) wive/ des vors(creven) gielijs moeder zijnen wille doen mach Item dat den/ vors(creven) gielise noch volgen sal nae de doot zijns vaders voirscr(even)/ eenen wouwer gelegen te huldenberghe dieme(n) te leene hult va(n)/ onsen gened(ichen) hee(re) Ende alle de voirs(creven) goede opden last en(de) co(m)mer/ uut den selven goeden gaende term(in)is debit(is) et (con)suet(is) p(er)solven(dum) En(de)/ mits desen selen p(ar)tien v(er)eenicht ende v(er)accordeert zijn en(de) bliven van allen stooten die tusschen hen e(n)nichsins gevalle(n) oft gereese(n)/ moige(n) sijn Gelovende de selve p(ar)tien malcande(re)n van deser uut/ spraken warant te zijne en(de) te blive(n) Reserve(re)nde de selve segge(re)n/ te henweerts alle alsulke(n) twijdracht oft donckerheit van/ verste(n)nissen die hier inne geboe(re)n mochte(n) om die bij hen in tiden/ nacomen(de) geoppenbairt en(de) ge[v(er)]claert te wordden(e) oft geboirde/ junii viii