Uut dien dat e(n)nighe vanden vrinden jouffr(ouwe) katlijne(n) van raetshove(n) die getrouwt/ heeft adame van verssen bringende met hen brieve en(de) certificacie van dat de/ selve jouffr(ouw) o(n)mechtich es te wandelen oft erge(re)ns te trecken zund(er)linghe/ jan van houthem huer wetich sone vande(n) voerbedde den raide vander/ stad te kinne(n) hebben gegeve(n) dat die ghene die hue(re) goede houden oft hue(r)/ e(n)nige rinten sculdich sijn van hue(re)n weghen gecomen hue(r) noch den hue(re)n/ gheen betalinge doen en wille(n) om huers mans wille vors(creven) nochta(n) dat/ die vors(creven) adam huer man nu vyant tslants es gewerdden dair inne/ hue(r) te cort gesciet alsoe hue(r) dochte bege(re)nde de selve tot betalingen be/ dwongen te wordden Soe es bijden raide vand(er) stad hier op overdrag(en)/ en(de) get(er)mineert dat den vors(creven) janne van houthe(m) inden name zijnder/ vors(creven) moed(er) de goede en(de) rinte(n) d(er) selv(er) zijnd(er) moed(er) volgen selen ten/ wed(er)seggen der selv(er) stad op goede loflike caucie van binne(n) der stad/ die hij d(aer) voe(r) setten sal om oft bijder stad naemaels bevonde(n) wordde/ dat hijt tonrechte hyeve dat hijt dan sculdich soude sijn te restitue(re)n/ en(de) die caucie sal werdden geregistreert sond(er) cost vand(en) creditue(re)n/ act(um) in pleno (con)silio in festo b(ea)ti mathei ap(osto)li et ewangeliste