Cont sij allen lieden dat gorijs van sinte pet(er)s en(de) raes van baussele/ vors(creven) en(de) jouffr(ouw) katlijne vanden meersberghe weduwe claus wilen/ van sinte gorix natuerlix vervangen(de) in desen jouffr(ouwe) lijsbetten va(n)/ sinte gorix hue(re)n wettige dochter in p(rese)ncia hebben gelooft/ ongesundert en(de) onverscheiden [voir hen en(de) hue(re)n nacomelinge(n)] wart dat den pant vanden/ vii(½) crone(n) ghescreve(n) inde scepen(en) brieve(n) van lov(en) [vors(creven)] dair desen aen/ gehangen is voir de vors(creven) rente te cranc bevonden wordde/ in nacomen(de) tijden dat zij dan der vors(creven) brued(er)scap innestaen/ sullen tot vier crone(n) erflijc der vors(creven) rente(n) En(de) vanden selve(n)/ vier cronen erflic genoechdoen en(de) contente(re)n Vort meer/ hebben zij gelooft [als voir] oft dieric van langrode vors(creven) in nacomen(de)/ tijden de vors(creven) chijs van vii(½) crone(n) in al oft in deele afleide/ dat zij den pontpe(n)ninc diemen d(aer)af sculdich sal zijn te dragen/ voir de vors(creven) bruederscap selve betalen en(de) dragen sullen ende/ onse lieve vruwe d(aer) af ontlasten ende hebben de vors(creven) gelov(er)s/ malcande(re)n gelooft en(de) toegeseeght wart dat e(n)nich va(n) hen voir/ des and(er)s gedeelte va(n) desen gepraempt wordde oft e(n)nigen last/ gecrege dat zij d(aer) af malcande(re)n t(er) hant staen sullen en(de) dien gelic/ hulpen dragen eisd(em)