It(em) den p(ri)ncipalen lijftochtbrief vand(en) vors(creven) thien r(insche) guld(en)/ten lijftochten ten live der vors(creven) jouffr(ouwe) jehanne(n) van orbaix/ die wijf es des vors(creven) carels hamel en(de) jans hamels huers/ soens vander daet xiiii[c] lx opden yersten dach augusti hebben/ de vors(creven) carle jouffr(ouw) jehanne zijn wijf en(de) jan hamel hue(re)r beid(er)/ zone met hue(re)n gemeyne(n) wille en(de) consente gesedt ond(er) de stat van/ loeven(e) daer hij staen sal in een doeze op deser came(re)n in deser vuegen/ dat de vors(creven) kaerle en(de) zijn wijf alsoe langhe zij beyde leven de selve/ lijfpensie van nu voirtaen als die vallen sal zullen heffen ende/ jairlix opbue(re)n elc van hen half en(de) half Te weten(e) die vors(creven) kaerle/ de vijf rinsche guld(en) dair af en(de) de vors(creven) jouffr(ouw) jehanne zijn wijf/ dander helicht ende men sal hen om dair toe te comen metten/ vors(creven) brieve alle behulp doen van rechte over den p(ri)ncipalen lodewijke(n)/ den hertoghe ende sijn borghen als des te doen zijn sal oft alst/ behoefde sal kaerle gehouden zijn dien navolgen(de) metten vors(creven)/ brieve vorderinge van rechte te doene Ende des vors(creven) karels/ wijf sal de costen van rechte moten verlegghen als zij van hue(re)r/ porcien gebrec hadde ende oft de vors(creven) lijfpen(sie) werdde afgeleecht/ bij des vors(creven) karels leven(e) dan salmen de pe(n)ninge d(aer) af comen(de) weder/ aen leggen ter gelijker natue(re)n ende dit sal acht(er)volcht wordden/ in deser state totter tijt dat de vors(creven) kaerle en(de) sijn wijf beyde/ ghesint selen wesen bij malcande(re)n te comen en(de) te leven als man/ en(de) wijf Met (con)dicien oft des vors(creven) karels wijf aflivich wordde/ voir hem d(aer) nae en soude de vors(creven) karle inde vors(creven) lijfpensie/ gheen recht hebben maer soude die dan voirtaen volgen den vors(creven)/ janne hue(re)n sone Gedaen te bruessel voir lodewijken roelofs borg(er)meest(er)/ te loeven(e) decembr(is) xvii