Cont zij allen lieden dat pauwel egnoy en(de) benedictus/ le maresschal woenen(de) te gheldenake in p(rese)ncia hebben genome(n)/ en(de) bekint dat zij genomen hebben tegen meester janne van/ papenhoven canonc der kercken van sinte pauwels te luydic/ de thiende d(er) selver cap(it)len metten chijse en(de) allen hue(re)n/ toebehoirte(n) also verre zij die te gheldenake en(de) dair omtent/ liggen(de) heeft Te houden te hebben en(de) te gebruyken van sint/ jansmesse baptisten naestcomen(de) eenen t(er)mijn van twee jae(re)n/ lanc deen na dand(er) sonder middel vervolgen(de) elx jars/ dae(re)nbynne(n) om en(de) voir xcvi mudden spelten pag(abilis) d(er) mate(n)/ van luydic lx cap(uynen) lx pont amandelen xx pont was drie/ pont pepers goet en(de) payabels alle jare te betalen Te weten(e)/ tderdel dair af tald(er) heylighe messe tserdel tons(er) liev(er) vruwen/ lichtmesse d(aer) na en(de) tderdel te half vasten(en) d(aer) na volgen(de)/ en(de) te luydic te leve(re)n den he(re)n deken(en) en(de) cap(it)le vors(creven) oft den/ vors(creven) meest(er) janne quolib(et) ass(ecutu)[m] Item sullen de vors(creven) thiendeners/ gehouden zijn den vors(creven) he(re)n bynne(n) den vors(creven) t(er)mijne te betalen/ alsulken wijn als men gewoenlic heeft geweest tot her toe/ den vors(creven) he(re)n te betalen en(de) te luydic te leve(re)n Item hebben/ zij noch genomen tegen den vors(creven) meest(er) janne de p(ar)tien/ van erfpachte hier na bescreven Te weten(e) aen janne/ pieret van gheldenake en(de) sijn goede iii mudden en(de) iiii/ stiers spelten Item aen henr(icke) favetrop en(de) zijn goede/ x stiers spelten Item aen jacope coppe en(de) zijn goede/ vii stiers terwen en(de) aen collarde collet vi stiers terwen/ elx grains goet en(de) payabel jairlix en(de) erflijcx pachts der/ maten van luydic It(em) aen janne mas iii stiers en(de) iii/ quart terwen en(de) aen woute(re)n de francourt iii stiers/ terwen d(er) mate(n) van ghelde(na)ke die jairlic en(de) erflic/ de vors(creven) cap(it)l(e) van s(int) pauwels te geldenake oft d(aer) omtrent/ heeft den t(er)mijn vors(creven) jairlix den vors(creven) he(re)n den vors(creven) t(er)mijn/ die pachte(n) in dier werden te betalen en(de) te luydic te le(re)/ leve(re)n metten ande(re)n pachte vors(creven) quolib(et) ass(ecutu)[m] Bij also oft de/ vors(creven) thiendene(re)n van dien met rechte [yet] ontbleve [en(de) oft] dat/ zij die groende dair voir moesten uutwynnen alsoe
//
dat zij die p(ar)tien oft e(n)nich van dien niet gecrigen en conden/ dat de vors(creven) he(re)n dat hen cortten en(de) afslaen sullen Item/ es vorwerde oft geborde dat aende vors(creven) goede enighe/ schade geschiede bynnen den vors(creven) t(er)mijne van tempeesten/ oft gemeynen orloghe dat de vors(creven) he(re)n den pechtene(re)n/ dat cortten sullen na usaigien d(er) secund(arie) kercken van luydic/ En(de) alle dese vors(creven) worwerd(en) borch vertrike junii xxi