Item vanden stoete die is tusschen symone ts(er)arts sone wilen/ jans als des mechtich met behoirliker procuracien hem/ gegeven bij jouffr(ouwe) katlijnen van wijtvliet janne en(de) emonde/ hue(r) sonen de welcke de selve symoen hier inne gelooft heeft/ te vervangen in deen zijde en(de) arnde vand(er) logen als man/ en(de) momboir paesschen m(ar)celis geheten focart zijns wijfs/ die hij hier inne gelooft heeft te vervangen in dand(er) alse/ vanden huyse en(de) hove met alle d(er) toebehorten geheten den horen/ gelegen ter vue(re)n dien toetebehoe(re)n plach janne wilen/ m(ar)celis vad(er) der vors(creven) paesschen en(de) des dien aencleeft Hebbe(n)/ hen de selve p(ar)tien verbonden en(de) gesubmitteert inde segge(re)n/ en(de) vriendelike effene(re)n hier na bescreve(n) te weten(e) de vors(creven)/ symoen in willem(me) maes en(de) gorde hanckart en(de) de vorscr(even)/ arnt in gielise de roide bastart en(de) pete(re)n beyart die/ informacie van p(ar)tien rechte neme(n) en(de) aenhoren sullen/ tusschen dit en(de) de iiii kerstdaghe naestcomen(de) die [en(de)] hue(r)/ uutsprake dair af doen sullen bynne(n) xiiii nachten dair/ na Promitt(entes) ratu(m) oft p(ar)tien segge(re) gebraken dat zij/ in die stat ande(re) gelike sullen nemen naus(nydere) hoeve(n) dec(embris) xi