Het sijn come(n) in rechte inde banc voer meye(re) en(de) scepen(en) van loven(e)/ reyne(r) voelkens als man en(de) mo(m)boir lijsbette(n) van vynckenbosch sij(n)s/ wijfs dochte(r) arnts wile(n) van vynckenbosch in deen sijde ende arnde/ en(de) henrike cloet gebruede(re) kinde(re) jans wilen cloet die hij hadde/ van yden wilen golijs dochte(r) jans wijlen gholijs van sijnen yerste(n)/ bedde in dande(re) Alse van vijf mudden rox der maten va(n) loven(e)/ erfspachts die arnd wilen van vynckenbosch te ii malen in/ voirleden(en) ja(r)en gecocht en(de) gecregen heeft uut machte van/ scepen(en) brieve(n) van loeven(e) bekint bij janne wilen goly ende/ janne wile(n) goly den jonge(n) sijne(n) sone op diverse goede en(de)/ ond(er)pande in sijne(n) voirg(eruerde) scep(enen) brieve(n) genoe(m)t ten ocsuyne/ vand(en) welk(en) de vors(creven) reyne(r) o om betaelt te sijne va(n)/ sijne(n) vors(creven) erffpachte hem nad(er) stad recht mette(n) he(re) hadde/ doen leve(re)n de goede henrix en(de) arnts cloet gebruedere/ h(ier) ond(er) ghenoteert sijnde [oft seke(re) have d(air) af gepant] Uut den welk(en) de vors(creven) gebrued(ere)/ cloets den vors(creven) reyne(re)n en(de) de vors(creven) goede aensprak(en) seggen(de)/ dat de vors(creven) reyne(r) met sijne(n) vors(creven) scep(enen) br(ieven) d(air) aen verdoolt/ wae(re) en(de) bij rede(ne)n want sij bode(n) te thoene(n) dat de/ vors(creven) jan goly de vad(er) getrouwt hadde wile(n) een v(ro)uwen/ p(er)soen geheete(n) clisse clouwe(n)s die tsame(n) hadde(n) twee/ wettige dochte(re)n deene geheete(n) lijsbeth en(de) dand(er) yde ende/ dat de vors(creven) yde vergadert was met ja(n)ne wile(n) cloet/ vader der vors(creven) aenlegg(er)s en(de) dat de selve aenlegg(er)s/ sijn wettige kinde(re) der selv(er) wile(n) jans cloets en(de) yden/ en(de) dat jan wilen goly en(de) de vors(creven) clisse clouwe(n)s yden/ moeder dese goede besate(n) als huer wettige erve en(de) dat/ de selve clisse d(air) uut starf als uut hue(re)n erve en(de) dat/ jan goly d(air) inne bleef sitten(de) als tochtene(r) en(de) dat uut/ doode d(er) vors(creven) clissen derflich(eit) der vors(creven) goeden verstarf/ op lijsbette(n) en(de) yden vors(creven) Seide(n) voirt dat arnd cloet/ hue(r) vader de helicht van des(er) goide(n) tege(n) lijsbette(n) goly
//
zijnd(er) swegerinne(n) en(de) hue(r) kinde(re) gecreg(en) hadde dwelc/ zij bode(n) te bewijse(n) met scepen(en) br(ieven) vand(en) banc van houd(er)t/ Seyde(n) oec dat jan goly na doot d(er) vors(creven) clissen getrouwt/ hadde i vrouwe(n) p(er)soen geheete(n) (christ)ine vand(er) hulst d(air)/ af hij hadde gecreg(en) drie wettige kinde(re) te wete(n) ja(n)ne/ henr(icke) en(de) oeden en(de) dat de vors(creven) clisse over xl jaer/ en(de) d(air)enbove(n) aflivich es gewordd(en) en(de) dat jan cloet/ en(de) yde golijs sijn wijf voe(r) en(de) hue(r) kinde(re) arnd/ en(de) henr(ic) de vors(creven) aenlegg(er)s nae dese goide beseten/ hebbe(n) als huer p(ro)p(re) erve over xx xxx jaer en(de) daige
//
dese en(de) meer ande(re) pointe(n) boode(n) sij te thoene(n) hopen(de) oft/ zijse gethoene(n) conste(n) dat de vors(creven) reyne(r) tot hen en(de) hue(re)n/ goede(n) w(er)t verdoolt wae(re) Op dwelc de vors(creven) reyne(r)/ voelke(n)s he(m) verantweerd(ende) ontkinde de v(er)mete d(er) vors(creven) aen/ legge(re)n en(de) besund(er) tpoent d(air) zij voirtsette(n) dat na doot d(er)/ vors(creven) clissen derflich(eit) van desen goide(n) verstarf der vors(creven)/ lijsbette(n) en(de) yden mair boot te thoene(n) met levend(er) waerh(eit)/ tvercrijch d(er) vors(creven) rinte(n) bij arde gedaen tot sijne(n) scep(enen) br(ieven)/ en(de) dat art uute(n) vors(creven) rinte(n) wae(re) gestorve(n) als uut sijne(n)/ erve en(de) dat sijn wijf d(air) inne was bleve(n) sitten(de) als/ tocht(er)sse en(de) dat reyners wijf was wettige docht(er) svors(creven)/ wile(n) arnts va(n) vynckenbosch en(de) sijns wijfs Ende vorts uut/ scep(enen) br(ieven) dat dese rinte des vors(creven) reyners wive in hue(r)/ deilinge was gebleve(n) boot oic te thoene(n) dat de vorscr(even)/ aenlegg(er)s lijsbette(n) wile(n) van thiene(n) huer(er) moeyen goide/ hadde(n) gecrege(n) op vuege dat sij dese rinte jairlix drag(en)/ en(de) betale(n) souden ende meer ande(r) pointe die hij meynde/ dat hem in richte sculd(ich) wae(re)n te diene(n) Dair op bij/ scep(enen) vo(n)nisse p(ar)tien gewijst w(er)t tot hue(re)n thoene ende/ te(n) daige d(air) toe geset en volquame(n) de vors(creven) aenlegg(er)s
//
huers v(er)meets niet p(ri)ncipalijc van twee pointe(n) te wete(n) dat jan/ wilen goly getrouwt hadde clissen wilen clouwens anders dan/ bij huer(er) bester kinnessen en(de) dat janne was en(de) dese goede/ janne goly bij clissen so sijne(n) yersten wive toebehoirden ende/ de vors(creven) reyne(r) volqua(m) geheelic sijns v(er)meets Behalve(n) alleene/ dat zijn getuyge(n) seyden dat hue(r) beste conde was dat daenlegg(er)s/ dese goide gecocht hadde(n) tege(n) lijsbette(n) van ti thiene(n) huer(er) moeye(n)/ opde vueige? dat sij die rinte jairlix drage(n) soude(n) en(de) hue(r) ande(re)/ goede d(air) af lossen Alsoe dat ten uut(er)sten bij vo(n)nisse de he(re)n/ scepen(en) van loven(e) t(er) maniss(en) smey(er)s nae aensprake v(er)antw(er)d(en)/ en(de) thoenisse van beid(en) p(ar)tien gewijst hebben met vo(n)nisse/ dat den vors(creven) reyne(re)n zijne(n) erfspacht volgen soude alsoe/ v(er)re alst noch voer scep(enen) come(n) wa(r)e p(rese)ntib(us) o(mn)ib(us) scabinis in/ sca(m)pno decembr(is) xiii