Allen den ghenen die dese l(ette)ren sullen sien oft hoe(re)n lesen/ burgermeeste(re)n scepen(en) en(de) raide der stat van loven(en) saluyt/ doen cont en(de) te weten dat opden dach datum van desen/ voir ons comen is in prop(er) (per)sone jouffruwe beatris van kersbeke/ dochter wilen willems van kersbeke van thienen/ en(de) heeft geconstitueert volcomen macht procuracie en(de)/ auctoriteit gegeven tot hae(re)n wederroepen wille(m)me van/ kersbeke hae(re)n brued(er) arnde polly en(de) henricke van bout(er)shem/ natuerlic oft den eenen van hen bringer des briefs alle/ en(de) yegewelcke alsulken saken questien en(de) gescillen als de/ vors(creven) jouffr(uwe) beatris nu uutstaende heeft oft namaels hebbe(n)/ zoude mogen voir wat gerichte gheestelic oft weerlic/ dat dat zijn oft geboren mochte Alle der vors(creven) jouffr(uwe)/ beatris jairgulden opcomingen en(de) vervallen goeden beruerlic/ en(de) omberuerlic chijsen renten [en(de)] erfpachten als de selve jouffr(uwe)/ heeft oft hair namaels vallen sullen inden lande van/ brabant oft elder te wat plaetsen dat zij die uutstaende/ heeft in e(n)niger manie(re)n Te verwaren te manen teysschen/ opteboren en(de) tontfanghen tegen oft aen wat p(er)sone dat/ dat zijn mach dair voir te panden te dagen te beleide(n)/ rastemente(n) te doen leggen die met rechte texequeren/ te vervolghen en(de) te vorde(re)n alle scepen(en) brieve met/ rechte te vo(n)nissen en(de) vorderinghe dair af te nemen/ en(de) te doen na costume en(de) gewoente(n) vanden plaetsen/ dair dat behoe(re)n sal oft behoeve(n) zoude mogen Ende/ ofs noet geborde voir alle richte(re)n gheestelic ende/ weerlic met rechte der vors(creven) jouffr(uwe) saken te (con)testere(n)/ te decline(re)n te excipieren te reco(n)venie(re)n te verantwerd(en)/ te bescudden te bedingen te wynnen en(de) te verliesen/ alle gescriften en(de) libellen over te gheven en(de) te/ nemen dair op te replice(re)n te duplice(re)n also wale/ int principael als int accessoir also dicke en(de) menich/ werven als des te doen zijn sal getuygen met
//
rechte bedwongen te worden tot huer(er) deposicien te leiden/ der wederp(ar)tien getuygen te sien zweren die te batt(ere)n/ hue(r) deposicien te wederleggen also dicke en(de) menichwerve(n)/ alst behoe(re)n en(de) behoeven sal allet des vors(creven) steet alsoe/ wel int principael domberuerlike goede chise renten pachte(n)/ als anders met rechte te wynnen en(de) te verliesen de/ saken bij beroepe oft appellacien te mogen vervolgen de/ vo(n)nissen van dien en(de) allen ande(re)n der vors(creven) jouffr(uwe) (con)stitucien/ aengaende te verwachten tghewisde te vervolgen en(de)/ te doen exequeren composicie en(de) mynlike effeninge va(n)/ al des vors(creven) is te maken den sculders van des zij oft/ e(n)nich van hen ontfangen sullen te quiteren en(de) volcome(n)/ quitancie te gheven Ende vortaen generalic ende/ specialijc allet ghene dair inne te doen en(de) te vorde(re)n/ des de vors(creven) jouffr(uwe) selve zoude mogen doen telker tijt/ oft zij tegenwordich en(de) voir oghen wa(r)e Geloven(de)/ de selve jouffruwe beatris voir ons in goeden truwen/ opde verbintenesse van allen hue(re)n goeden tegenwordich/ en(de) toecomen(de) g beruerlic en(de) omberuerlic goet vast/ gestentich en(de) van weerden te houden allet ghene des/ bijden vors(creven) p(ro)cur(eur)s oft den eenen van hen in des vors(creven) is/ gedaen en(de) gevord(er)t sal worden in e(n)nigher manie(re)n/ Salvo iusto calculo ap(ri)lis xiiii