Item want de vors(creven) schout compt spruyten(de) uut saken van schaerhoute/ van iiii(½) boender bosch dat de vors(creven) henric en(de) arnt gecocht/ hebben tegen den vors(creven) lod(ewijk) gelegen te binckem opden asberch elc/ boend(er) om xxvi(½) guld(en) te x st(uvers) tstuc Soe es vorweerde wart/ datmen inder maten myn bevonde dan de vors(creven) iiii(½) boender/ dat hem dat aende vors(creven) so(m)me na advenant cortten sal/ en(de) inden gevalle oft de mate meer gedroeghe dan de vorscr(even)/ iiii(½) boend(er) dat zij d(air) af den vors(creven) meye(r) betalinge doen sullen/ na advenant d(er) so(m)men [en(de) mate(n)] vors(creven) cor(am) eisd(em)