Acht(er)volgen(de) den vo(n)nisse bij scepen(en) van loven(en) geweesen den xvi[te(n)]/ dach van decembri lestleden tusscen pauwelse bloc geleit totten/ goeden henrix wilen swaus in deen sijde voir tgebrec van twee/drie rijders lijftochten en(de) goirde hanckart die van voe(r) geleit/ es tot den goeden desselfs henrix voer een grote so(m)me van/ pe(n)ni(n)gen inder best(er) vorme(n) hem bekint dair mede hij meynde/ zeke(re) sculden en(de) gebreke die hij aende(n) vors(creven) henrike uutstaen(de)/ hadde [te verhalen] welc vo(n)nisse luydde dat de vors(creven) goird zijn gebrec/ groetsen soude metter eed en(de) d(air)entinden recht Soe heeft/ de vors(creven) goird geclaert bij sijnd(er) eedt d(air) toe lijflijc gedaen/ dat hij voe(r) den vors(creven) wilen henrike borghe staet voer drie/ rijders lijfpen(sien) aen janne van wynxele It(em) noch voer des/ vors(creven) henrix wijf aen jannese van cuggenbosch voir ond(er)halve(n)/ rijd(er) lijfpen(sien) It(em) esmen hem sculdich drie sacke corens twee/ rinsch guld(en) en(de) ii pet(er)s eens Voirt claerde hij datme(n) hem/ noch vie(re)nvijftich pet(er)s eens sculdich was van seke(re)n erve/ dat de vors(creven) wile(n) henric tegen hem gecocht hadde dair hij/ noch gheen guedinghe af [en] hadde gedaen mair henric hadde/ de poss(essi)e altijt nade(r) come(n)scap gehadt en(de) de guedi(n)ge p(rese)nteerde/ hij te doene den ghene(n) dieme(n) bevinde(n) soude dat die sculd(ich)/ wae(re) tontfaene hopen(de) dit gebrec voer al mette(n) vors(creven)/ sijne(n) beleide te verhalen voir en(de) eer [hem] de vors(creven) sijn wed(er)p(ar)tie/ daer aen e(n)nich hinder oft letsel soude co(n)nen geslaen Ende/ na dat bid(er) wed(er)p(ar)tien opde(n) vors(creven) eedt zeke(re) calaengien en(de)/ debattacien wae(re)n gedaen soe was uut(er)lic gewijst bij vo(n)nisse/ der he(re)n scepen(en) van loven(en) dat den vors(creven) goirde aen de goede/ d(air) questie af es zijn geclaerde so(m)men volge(n) soude(n) bij alsoe/ dat hij die soude mote(n) exeque(re)n p cor(am) scabinis in sca(m)pno/ decembr(is) xxiii