Allen den ghene(n) die dese l(ette)ren selen sien oft hoire(n) lesen burg(er)m(eeste)ren/ scepen(en) en(de) raet d(er) stad van loeven(en) saluit doen cond en(de) kenlijc/ dat op den dach datu(m) van desen voir ons comen zijn in p(ro)pren p(er)sone/ symon de hertoge en(de) jouffr(ouwe) lijsbeth van kesterbeke zijn weerdi(n)ne/ woenen(de) te bruessele en(de) hebbe(n) geco(n)stituert gesedt volcome(n) macht/ p(ro)curacie en(de) auc(tori)teyt gegeve(n) sonder e(n)nich wed(er)roepen janne vande(n) hove/ sone wile(n) jans nu t(er) tijt ond(er)meye(r) te loeven(en) goessen vand(er) ca(m)me(n) janne/ tyelens jacop hoze en(de) art de putte(re) oft den eene(n) van hen bringere/ sbriefs alsulke(n) sake(n) questie(n) en(de) gescille(n) alse de voirs(creven) gehuysschen/ alsnu uutstaende hebbe(n) voir meye(r) en(de) scepen(en) va(n) loeven(en) oft naemaels/ hebbe(n) mochte(n) voir wat gerichte gheestelijc oft w(eer)lijc dat dat zijn/ oft geboire(n) mochte uut sake(n) van alsulke(n) vii rijd(er)s jaerlijker lijfre(n)te(n)/ als de selve jouffr(ouwe) lijsbeth jaerlijcx heeft vallende deen helicht xv/ dage in octobri en(de) dander helicht xv daghe in ap(ri)l te huere(n) live/ aen ende op donberuerlike goede amelr(ijx) wile(n) bote alsoe die belege(n)/ zijn te ziere(n)beke inde p(ro)ch(ie) va(n) s(in)te m(er)tens le(n)neke in wy(n)nende lande bempde(n)/ eeussele(n) moelen(en) wate(re)n wouwere(n) chijse(n) rente(n) pachte(n) en(de) alle(n) ande(re)n toebeh(oirten)/ gelijc de selve wile(n) amelr(ijc) die goede met hue(re)n toebeh(oirten) in div(er)se(n) stucke(n)/ en(de) plaetsen aldair houdende was en(de) scepen(en) brieve(n) van loeven(en) dair/ op gemaect ap(ri)lis xv a(nn)[o] xxxvii dat volcomelijc inhoude(n) ende beg(ri)pen/ Te verware(n) te mane(n) teyssce(n) op te buere(n) en(de) tontfange(n) jege(n) oft/ aen wat p(er)sone(n) dat dat zijn mach dair voe(r) te pande(n) te dage(n)/ te beleyde(n) rasteme(n)te te doen legge(n) die met rechte texeq(ue)ren/ te vordere(n) te volge(n) alle rechtvorderinge d(air) af te neme(n) ende te/ doene na costume gewoente(n) en(de) usagie(n) vanden plaetsen dair dat
//
behoere(n) sal oft behoeve(n) soude moege(n) Ende ofts noot geboirde voir/ alle richte(re)n gheestelijc ende weerlijc met rechte die saken te con/ testere(n) te decline(re)n texcipiere(n) te reco(n)veniere(n) te v(er)antwerde(n) te bescudde(n)/ te bedinge(n) alle gescrifte(n) ende libelle(n) d(air) om ov(er) te gheve(n) te neme(n) te re/ plicere(n) te duplicere(n) (et)c(etera) alsoe wel int p(ri)ncipael als int accesseur alsoe dicwile/ ende menichwerve(n) als dat te doen sal zijn getuge(n) met rechte te ver/ sueken bedwonge(n) te werde(n) tot huer(e) deposicie(n) die te leyde(n) d(er) weder/ p(ar)tie(n) getuge(n) te sien zwere(n) die te battere(n) hue(r) deposicie(n) te wed(er)legge(n)/ alsoe dicwile en(de) menichwerve(n) alst behoire(n) ende behoeve(n) sal allet/ des voirscr(even) is met rechte te wynne(n) te v(er)liesen alle sake(n) dien aen/ gaende b te moege(n) v(er)volge(n) de vo(n)nisse(n) va(n) dien alsoe wale int(er)locu/ toire als diffinitieve te v(er)volge(n) v(er)wachten tgewijsde te v(er)volge(n) ende/ te doen exequere(n) composicie en(de) mynlike yffeni(n)ge va(n) des voirs(creven) is/ te make(n) de sculders van des zij oft e(n)nich va(n) hen ontfaen sele(n)/ te quitere(n) en(de) volcome(n) quitan(cien) te gheve(n) en(de) d(air) af alle behoirlike/ vestich(eit) en(de) zeker(heit) te doene Ende voirtane generalijc en(de) sp(eci)alijc/ allet dair inne te doen en(de) te vorde(re)n allet des de voirs(creven) gehuyssce(n)/ doen ende vorde(re)n soude(n) moege(n) wairt dat zij telker tijt en(de) plaetse(n)/ jege(n)woirdich en(de) voir oege(n) ware(n) En(de) soe was bij den eene(n) d(er) voirs(creven)/ p(ro)cur(eur)s in des voirscr(even) steet begonne(n) oft ingesteke(n) sal worde(n) va(n)/ rechtvorderinge(n) oft anders dat dande(re) va(n) hen dat sal oft selen/ moegen middelen volynde(n) voirts vordere(n) late(n) compone(re)n oft ver/ volgen sonder yema(n)ts wederseggen Gelovende voir ons in goede(n)/ trouwen de voirs(creven) gehuyssce(n) op de verbintenisse va(n) alle(n) hue(re)n goede(n)/ jegewoirdige ende toecomen(de) v(er)crege(n) oft te v(er)crige(n) beruerlike en(de)/ onberuerlike hoedanich die zijn wair die belege(n) zijn oft bevonde(n)/ moegen werden goet vast gestentich onv(er)brekelijc ende van weerden/ te houden tot ewige(n) dage(n) allet des bij den selve(n) p(ro)cur(eur)s oft de(n)/ eene(n) van hen in des voirscr(even) steet e(n)nichssins gedaen gep(ro)cureert/ oft gevordert sal werden behalve(n) dat de voirs(creven) p(ro)cur(eur)s en(de) elc/ van hen de(n) voirs(creven) gehuysscen sculdich selen sijn van desen huere(n)/ bewynde altijt ter manisse(n) der selver gehuysscen rekeni(n)ge besceyt/ ende bewijsenisse te doene also dair toe behoirt Des torconde/ hebbe(n) wij burg(er)meeste(re)n scepen(en) en(de) raet d(er) stad van loeven(en)/ voirs(creven) den zeghel ten sake(n) d(er) selver stad hier op doen drucke(n)/ opden xxvste(n) dach van febr(uari)