It(em) willem trabukier drossete vanden lande van rotselair v(er)vangen(de)/ in des nae bescrev(en) steet bertelmeeuse trabekier zijne(n) brued(er) in p(rese)ncia/ heeft oppenbairlijc gekint ende gelijt dat jonch(e)r willem van merode/ hem wael ende wettelijc v(er)nuecht ende volbetaelt heeft van allen ver/ schenen(en) en(de) verletten renten die den voirs(creven) bertelmeese e(n)nichsins/ totten daige toe van heden verschenen zijn aende(n)s voirs(creven) jonch(e)r wille(m)s/ en(de) sijnd(er) huysvrouwen goede inden lande van mechelen geleghen/ van dien twintich rinsch(en) gul(den) lijfpen(sien) die de voirs(creven) bertelmeeus/ opde selve goede heeft nae begrijp der scepen(en) brieve van loven(en)/ opde selve lijfpen(sien) gemaict Kynnen(de) hem van dien volcomelijc ver/ nuecht scelden(de) alsoe van allen verschenen(en) en(de) v(er)leden(en) t(er)mijne(n) tot de(n)/ daige toe van heden volcomelijc quijte den vors(creven) jonch(e)r willem(me) zijn/ huysvrouwe hue(r) goede en(de) alle ande(re) des q(ui)tan(cie) behoeven(de) Ghelovende/ van des(er) quitan(cie) tegen eene(n)yegeliken recht warant te zijne en(de) te bliven/ tot eeuwig(en) daigen cor(am) naus(nydere) hoeve(n) m(ar)cii vi[ta]