Allen den ghenen die dese l(ette)ren sullen sien oft horen/ lesen burgermeeste(re)n scepen(en) en(de) raide der stat van loven(en)/ saluyt doen cont en(de) doen te weten dat opden dach datu(m)/ van desen voir ons comen es in prop(re) p(er)sone jouffr(ouwe) margr(iete)/ vanden wouwe geheten cool claes weduwe roelofs wilen/ boxhorens en(de) heeft geconstitueert volcomen macht/ procuracie en(de) auctoriteit gegeven tot hue(re)n wederroepen janne/ vander fonteynen geheten de wale woenen(de) tantwerpen met/ rechte te vervolgen en(de) te bedingen alsulken versterfnesse/ oft successie van alsulken versterfnesse als d(er) vors(creven) jouffr(ouwe) m(ar)gr(iete)/ toegecomen en(de) verstorve(n) zijn [is] bij doode en(de) aflivich(eit) jouffr(ouwe)/ katlijnen vand(er) elst weduwe cools claes vanden huyse en(de)/ hove metten bogarden en(de) allen ande(re)n sijnen toebehorten gelege(n)/ te hoobeke bij antwerpen met twee houten lants gelege(n)/ aldair neve(n) d(er) heyden met rechte te vervolghen [die] te verwae(re)n/ de proffiten dair af tontfangen tegen oft aen wat p(er)sone dat/ dat zijn mach dair voir te panden te dagen te beleiden/ rastamente te doen leggen die texequeren te vervolghen/ en(de) te vorde(re)n na costume en(de) gewoente vand(er) plaetsen dair/ dat behoe(re)n sal oft behoeve(n) sal mogen En(de) ofs noet geborde/ voir alle rechte(re)n gheestelic en(de) weerlic met rechte te conteste(re)n/ te decline(re)n te excipieren te reco(n)venie(re)n te verantweerden te/ bescudden te bedingen te wynnen te verliesen alle gescriften/ en(de) libellen ov(er)tegheven en(de) te nemen te replice(re)n te duplice(re)n/ als wale int principael als int assessoir also dicwille ende/ menichwerven als des te doen zijn sal [de] getuygen met rechte/ bedwongen te worden tot hue(re)r deposicien die te leiden der/ wederp(ar)tien getuygen te sien zweren die te batteren hue(r) deposicie(n)/ te wederleggen also dicke en(de) menich werven alst behoe(re)n/ en(de) behoeve(n) sal allet des vors(creven) steet met rechte te wynne(n)/en(de) te verliesen die saken bij beroepe oft appellacien te mogen/ vervolgen de vo(n)nissen van dien te verwachten tgewijsde/ te vervolgen en(de) te doen exqueren composicie en(de) mynlike/ effeni(n)ghe d(air) af te make(n) (et)c(etera) sic de v(er)bo ad v(er)bu(m) ulterius ut habet(ur) febr(uarii)/ xxv p(re)ceden(ti) Actu(m) m(ar)cii xi