Allen den ghenen die dese l(ette)ren selen zien oft hoire(n) lesen borg(er)meeste(re)n/ scepen(en) en(de) raide der stat van loven(en) saluyt doen cond en(de) te weten dat/ opden dach van heden datum van desen voir ons zijn in p(ro)pe(re)n p(er)sone/ die eerweerdighe vader in gode [he(re)n en(de)] abt en(de) tco(n)vent des goidshuys van vlyer/ beke ende hebben gheconstitueert gesedt volcomen macht p(ro)curacie en(de)/ auctoriteit ghegheven henr(icke) hanckart alle alsulken [saken] questien en(de) gescille(n)/ alse tvoirs(creven) goidshuys tegewoirdichlijc uutstaen(de) heeft oft naemaels/ hebben soude moigen teghen oft aen wat p(er)sone oft oic tot wat plaetse(n)/ dat des dat wa(r)e oft te doen zijn mochte Alle des selfs goidshuys/ jaergulden opcomi(n)gen ende vervallend goeden beruerlijc ende omberuerlijc/ chijsen rinte(n) erffpachten alse [die] tvoirs(creven) goidshuys heeft oft hem naemaels/ vallen selen inden lande van brabant oft elde(r) te wat plaetsen dat hij die [tselve goidsh(uys) die]/ uutstaende [oft liggen(de)] heeft oft naemaels hebben mochte Te verwaren te manen/ te eysscen opte bue(re)n ende te ontfangen tegen oft aen wat p(er)sonen dat dat/ zijn mach dair voe(r) te panden te daigen te beleiden rastemente te doen/ leggen die met rechte texeque(re)n te vervolgen te vorde(re)n alle scepen(en)/ brieve met rechte te vo(n)nissen ende vorderinge dair af te neme(n) en(de) te/ doene nae costu(m)e gewoente ende usagien vand(en) plaetsen dair dat/ behoe(re)n sal oft behoeve(n) soude moige(n) Ende ofts noot gebuerde voir/ alle richte(re)n gheestelijc ende weerlijc met rechte alle des vors(creven) goidsh(uys)/ saken te (con)teste(re)n te decline(re)n te excipie(re)n te reco(n)venie(re)n te v(er)antweerden/ te bescudden de [te] bedingen te wynnen te verliesen alle gescriften ende/ libellen over te gheven ende te nemen te replice(re)n te duplice(re)n alsoe wael/ int p(ri)ncipael alse int accessoir alsoe dicwijle ende menichwerve(n) als/ des te doen zijn sal getuygen met rechte versueken bedwongen te word(en)/ tot hue(re)r deposicien die te leyden der wederp(ar)tien getuyghen te zien zwe(r)en/ die te batte(re)n hue(r) deposicien te wederleggen alsoe dicwijle en(de) menichw(er)ven/ alst behoe(re)n ende behoeve(n) sal Allet des voirs(creven) steet alsoe wel donberuerlike/ goede chijse rinte(n) pachte(n) voirg(eruert) als anders met rechte te wynne(n) en(de) te/ verliesen de saken bij beroepe oft appellacien te moige(n) vervolgen de vo(n)niss(en)/ van dien en(de) allen ande(re)n zijnd(er) (con)stitucien aengaende te verwachte(n) tge/ wijsde te v(er)volgen ende te doen exeque(re)n composicie en(de) mynlike yffeni(n)ge/ van al des vors(creven) es te maken den sculders van des hij ontfang(en) sal te/ quite(re)n en(de) volcome(n) quitan(cie) te gheve(n) Ende voirt alle des voirs(creven) goidsh(uys)
//
goede beruerlijc ende omberuerlijc chijse rinte(n) en(de) pachte(n) hoedanich/ die sijn in al oft in deele te v(er)pachte(n) te hantplichte(n) te v(er)hue(re)n/ en(de) met jairschare(n) uut te gheve(n) en(de) allet ten meesten orbore en(de)/ p(ro)fite des vors(creven) gherams goidsh(uys) en(de) dair af behoirlike ende/ behoeflike vestich(eit) en(de) zekerheit te doen(e) Ende voirtane g(e)n(er)alijc/ ende specialijc d(air) inne te doene ende te vorde(re)n allet ghene des/ des de vors(creven) eerweerdige(n) he(re)n abt en(de) (con)vent selve soude(n) moige(n)/ doen oft vorde(re)n wairt dat zij telker tijt en(de) plaetsen tegewoird(ich)/ en(de) voir oogen waren Ghelovende voir ons in goede(n) trouwen/ die voirg(enoemde) eerweerd(igen) he(re)n abt en(de) (con)ve(n)t renu(n)cie(re)nde tot desen alle(n)/ p(ri)vilegien gr(ati)en l(ette)ren exceptien en(de) behulpen geimpetreert oft te/ impetre(re)n die goet vast gestentich onverbrekelic ende va(n) weerd(en)/ te houden allet tgene des bijden vors(creven) p(ro)cur(eur) in des vors(creven) steet e(n)nichs(ins)/ gedaen geprocureert en(de) gevord(er)t sal wordde(n) Behalve(n) dat de/ selve p(ro)cur(eur) den voirs(creven) goidsh(uys) van desen sijne(n) bewynde ter maniss(en)/ der he(re)n vors(creven) sculd(ich) sal sijn goede rekeni(n)ge besceit en(de) bewijsse/ nisse te doene P(rese)ntibus francone willem(air) burgim(a)g(ist)ro berghe vynck/ scabinis aprilis xiii