Item vanden stote die geweest is tusschen gielise de [van] rode sone wilen/ matheeus poirtier opde borchporte mathijse vanden velde sone/ wilen jans volde(r) in deen zijde jacope conincs sone wilen jans/ cleermake(r) en(de) willem(me) de hoemake(re) de jonge willems sone in/ dande(re) alse van zeke(re)n gevichte en(de) quetsue(re)n tusschen hen gesciet/ en(de) al des dair aen cleven mach Hebben hen de selve p(ar)tien/ verbonden en(de) gesubmitteert in zegge(re)n en(de) vrindelike effene(re)n/ de weten(e) de vors(creven) gielis en(de) mathijs in vrancken pynnoc en(de)/ goessen(en) tybe en(de) de vors(creven) jacop en(de) willem in woute(re)n de mu(n)te(re)/ geheten becke(re) en(de) andriese de nausnide(re) in sulker vueghen/ dat de vors(creven) segge(re)n volcomen informacie genomen hue(r) eendrech/ tige uutsp(ra)ke doen sullen oft de drie van hen bynne(n) xiiii nachten/ naestc(idere) Promitt(entes) ratu(m) en(de) oft p(ar)tien segge(n) gebrake dat zij [in] die/ stat ande(re) gelike sullen neme(n) berghe hoeve(n) aug(usti) xviii