Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide d(er) stat van loven(en) saluyt/ doen cont dat opden dach van heden voir ons comen is/ in prop(ere) p(er)sone jan pottier bailliu van ronsse ronsse in/ vlaende(re)n en heeft gesedt geconstitueert volcomen/ macht procuracie en(de) auctoriteit gegeven zond(er) e(n)nich/ wederroepen meester pete(re)n bode dat accepteren(de) ende/ aennemen(de) alle en(de) yegewelcke alsulke saken questien/ en(de) gescille als de vors(creven) jan pottier als nu uutstaende/ heeft oft namaels hebben soude mogen tegen wat/ p(er)sonen oft voir wat gerichte gheestelic oft weerlic dat/ dat zijn oft geschien mochte alle sijn jairgulden opcomi(n)gen/rechten [renten] pachten sculden en(de) vervallen verschenen ende/ te verschinen(e) te vervolgen te exeque(re)n en(de) te vorde(ren)/ te manen teysschen op te boren en(de) tontfanghen dair voir te/ dagen te panden te beleiden rastemente te doen leggen also/ dat behoe(re)n en(de) behoeve(n) soude mogen voir wat gerichte/dat wae(re) het zij gheestelic oft weerlic En(de) ofs geborde/ des vors(creven) steet met rechte te conteste(re)n te decline(re)n te/ excipie(re)n te reco(n)venie(re)n te verantwerden te bescudden te/ bedingen alle gescriften en(de) libelle d(air) toe dienen(de) over/ tegheven en(de) te nemen te replice(re)n te duplice(re)n also/ wel int principael als int accessoir also dicwille en(de)/ menichwerf als dat te doen sijn sal de getuygen/ met rechte te versueken bedwongen te worden tot huer(er)/ deposicien die te leiden d(er) wed(er)p(ar)tien getuygen te sien/ sweren die te batteren hue(r) deposicien te wederleggen/ also dicwille en(de) menichwerf als behoeve(n) sal des vors(creven)/ is en(de) al des dair aen cleve(n) mach met rechte te/ wynnen en(de) te verliesen bij beroepe oft appellacien [te] mogen/ vervolgen vo(n)nissen int(er)locure en(de) diffinitive d(air)af te/ verwachten tgewijsde te vervolgen en(de) te doen exeque(re)n/ composicie en(de) mynlike effeni(n)ghe van al des vors(creven) is
//
te maken volcomen quitancie d(air)af te gheven en(de) generalic/ en(de) specialijc vortaen d(air) inne te doen en(de) te vorde(re)n allet/ des bijden vors(creven) janne pottier oft hij telckertijt tegenwordich/ en(de) voir ogen wae(re) hier inne gedaen en(de) gevordert soud(en)/ mogen worden in e(n)niger manie(re)n Geloven(de) de vors(creven) jan/ pottier op de verbrintenesse van allen zijnen goeden tegen/ wordich en(de) toecomen(de) goet vast gestentich en(de) van weerden/ te houden allet ghene des bijden vors(creven) procur(eur) gedaen en(de)/ gevord(er)t sal worden inden saken vors(creven) behoudelic dat/ de vors(creven) meest(er) pet(er) sculdich sal zijn den vors(creven) janne pottier/ altijt rekeni(n)ge bewijs en(de) betalinge te doen van zijnen/ bewinde in desen des tercond(en) (et)c(etera) aug(usti) xxii