Het zijn comen in rechte inde banc voir meye(r) en(de) scepen(en)/ van loven(en) claes ma(m)bour in deen zijde ende jan offus in dande(re)/ aldair de voirs(creven) claes dede opdoen dat hij voirtijts mits/ eend(er) t(er)minacien tusscen hem en(de) den vors(creven) off(us) geloepen viii/ ap(ri)lis lestled(en) gehacht en(de) zee(r) ontamelijc gevangen gesete(n)/ hadde inder stat porte dair hij geweest was eenen/ zeke(re)n tijt tot zijne(n) grote(n) ongerieve Ende dair waest/ geboirt dat hij bij ave(n)tue(re)n uut(er) selver porte(n) en(de) gevancke/ niss(en) was gecome(n) ende vand(er) selver porte(n) xl voete ende/ meer dwelc hij met meer ande(re)n pointe(n) die hij hoopte/ voir he(m) te dyene(n) boot te thoene(n) Hoopte d(air)o(m)me al/ mocht sijn dat de ghene dien hadde te v(er)waren wed(er)/ uut sijns selfs auctoriteit in gevangenisse allindichlic/ hadde geleecht dat hij nochtan nad(er) stat recht alle d(er)/ aenticht des vors(creven) off(us) ongehoude(n) sijn en(de) blive(n) soude des/ hij hem tot vo(n)niss(en) van scepen(en) gedroech Dair op de/ selve offus hem v(er)antwerden(de) dede seggen dat waer/ was dat hij altijt hadde v(er)socht de t(er)minacie voe(r)ger(uert)/ vand(en) vors(creven) claese voldaen te hebben ende alse hij d(air)/toe zund(er)linghe hadde hij zed(er) der selver t(er)minacien en(de)/ als die uutgesproke(n) was den vors(creven) claese ind(er) vroente(n)/ doen setten zunderlinge en(de) p(ri)ncipalijc voer twee pointe(n)/ die hem ind(er) selv(er) t(er)minacien toegewijst wae(re)n te wete(n)/ dand(er) point d(air) inne genoteert rue(re)nde vand(en) presten bide/ tvierde point rue(re)nde van xiii(½) mudde(n) core(n)s ee(n)s van/ acht(er)stellige(n) pachte meynen(de) dat hem die voldaen/ souden wordden Ende alse de selve claes d(air)voe(r) inde/ vroente xiiii daige en(de) meer hadde gesete(n) en(de) hem niet/ en voeghde tot voldoene seyde de vors(creven) off(us) dat hij
//
zoe vele v(er)worve(n) hadde aende stad dat hem d(er) stat porte/ op borchtocht was geconsenteert om den vors(creven) claese/ d(air) inne te setten tot hij de selve twee pointe(n) voldaen/ hadde ende al mocht zijn dat de selve claess oe/ vele v(er)worve(n) hadde aende stat dat hij wed(er) op sijns/ selfs cost inde vroente was gecomen en(de) hadde nu/ zeke(re) daige dair gesete(n) Soe meynde nochta(n) de voirs(creven)/ offus dat de vors(creven) claes gehoude(n) sijn soude de/vors(creven) pointe(n) voirg(eruert) vand(en) vors(creven) t(er)minacie(n) hem te/ voldoene want van al tgene des hij voe(r) hadde/ v(er)haelt gedroech hij hem tott(er) kynness(en) vand(en) he(re)n/ scepen(en) en(de) ande(re)n vand(er) wet ofts behoefde die dair/ af te spreken wiste(n) Dair ten uut(er)sten na aensprake/ en(de) v(er)antwerde(n) van beyde vele allegacien va(n) beide(n)/ p(ar)tien en(de) vo(n)niss(en) int(er)locutoir h(ier) op gegeve(n) luttel/ tott(er) materien dienen(de) ten uut(er)sten gewijst was/ bij den vors(creven) he(re)n scepen(en) ter maniss(en) smeyers met/ dat de vors(creven) claes mo(m)boir gehouden sijn soude/ tot den voldoene vand(en) vors(creven) twee pointe(n) voe(r) geclaert/ en(de) ind(er) t(er)minacien begrepen P(rese)ntib(us) o(mn)ib(us) scab(in)is de(m)pto/ roelofs junii xiii