It(em) brueder jan van oesterzeele der orden(en) va(n) s(in)t jans van jh(e)r(uza)l(e)m/ hebbende tot des na bescreve(n) steet volcome(n) p(ro)cu(ra)cie van heeren/ emonde [meest(er)] van chantrain in p(rese)ncia heeft geconse(n)teert belieft geco(n)fir/ meert en(de) geapprobeert arde de cock sone wile(n) jacops diericx sone/ anders gehete(n) vande(n) velde woenen(de) te driele inde(n) lande va(n) ghelre/ die hij hadde van jouffr(ouwe) ingelen wilen docht(er) arts wile(n) de cock/ dat hij de goede te veehuyse inde p(ro)chie va(n) ricstel gelege(n) met/ alle(n) hue(re)n toebeh(oirten) in woeni(n)ge(n) huysen hove(n) wynnen(de) lande(n) bloke(n)/ bempde(n) eeusselen chijse(n) renten leene erve oft eygen houde(n) hebbe(n)/ en(de) besitte(n) sal gelijc en(de) in alre vuege(n) forme(n) en(de) manieren brued(er)/ henric wilen de bye als co(m)mandeur des huys va(n) brake(n) voirsete/ des voirs(creven) he(re)n emonts die rutgh(er)de van erpe in pechtinge(n)/ uutgegeven en(de) de voirs(creven) rutgher die te pachte genome(n) hadde/ duerende des voirs(creven) rutgh(er)ts leefdage lang en(de) niet langher/ betalende jaerlijcx dair voe(r) v(er)thien mudde corens goet ende/ payabel d(er) maten va(n) helmont tons(er) liever vr(ouwen) dage liechtmisse/ en(de) tsh(er)togenbossche dairt de(n) voirs(creven) he(r) va(n) chantrain oft zijne(n)/ geco(m)mitterde(n) gelieve(n) sal te leve(re)n des voirs(creven) rutgh(er)ts leve(n)/ lang als voirs(creven) steet en(de) voirt op alle forme(n) en(de) (con)d(icien) begrepe(n)/ inde(n) scep(enen) br(ieve) vand(en) bossche opde voirs(creven) pechtinge gemaecte(n)/ opde(n) xi[te(n)] d(ach) d(er) maent va(n) junio a(nn)[o] xiiii[c] xxv cor(am) meld(er)t/ nausny(dere) sept(embris) xx