Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en) saluyt/ doen cont en(de) te weten dat opden dach van heden datum/ van desen voir ons comen is in prop(ere) p(er)sone wouter coppens/ van oplynte(r) en(de) heeft geconstitueert volcomen macht/ procuracie en(de) auctoriteit gegeven woute(re)n coppens zijnen/ natuerliken sone te vervolgen met rechte op brueder/ hermanne van straethem convers de godshuys van meeghde(n)/ dale bij oplynte(r) alsulken recht actie en(de) deel als de vors(creven)/ wouter heeft aen sesse tonnen byen die de vors(creven) wouter/ coppens vanden vors(creven) brued(er) hermanne te vueden hadde/ den selven brued(er) hermanne dair om te bedingen voir/ alle gerichten gheestelic en(de) weerlic die te wynnen ende/ te verliesen En(de) vortaen generalic en(de) specialic d(air) inne/ te doen en(de) te vorde(re)n des de vors(creven) wout(er) de vad(er) selve/ in p(er)sone soude mogen doen telker tijt oft hij tegenwor/ dich en(de) voir ogen ware Promitten(tes) rat(um) sept(embris) xviii