Item roelof corsbout goutsmet woenen(de) te loven(en) in p(rese)ncia/ heeft gekint en(de) gelijt gehadt gehaven en(de) ontfangen te/ hebben van meester clause van vucht meester vander/ rekencame(re)n ons gened(ichs) he(re)n ts(er)togen twee selve(re) schalen/wegen(de) neghen onchen en(de) xiii yngelschce die welcke/ de voirs(creven) meester claus ontfangen hadde bij inventarise/ vand(er) stat van loven(en) wesende onder tselver wilen he(re)n/ jacops maes welcke schalen den vors(creven) roelofve toebehoirden/ gelijc tgetuygenesse dair op onlanx gegaen verclaert/ heeft Op welcke schalen de vors(creven) roelof den selven he(re)n/ jacope sculdich was en(de) tachter van geleenden ghelde also/ hij kynde xxxvi stuv(er)s welcke xxxvi st(uvers) hij als nu den/ selven meester clause betaelt heeft Heeft vort/ gekint en(de) gelijdt dat hem de vors(creven) meest(er) claus betaelt/ heeft in gereeden pe(n)ningen xxv st(uvers) van [zijne(n) v(er)lette d(air) bij te zijn en(de) te blive(n) dair allet gout en(de) payment getelt waert van] pijnen en(de) arbeide/ die hij met ande(re)n p(er)sone(n) gedaen heeft int wegen/ tweewerf gesciet vanden selve(n) van stucke te stucke ende/ van porceelen te porceelen Ende desgelix vanden gulden(en)/ gemu(n)ten goude en(de) selve(re)n gelde te wegen dat onder de/ stat van loven(en) gesedt was bij meester janne vanden eede/ secretarijs m(ijns) gened(ichs) he(re)n ts(er)togen en(de) verwaerd(er) vanden/ leenboeke des selfs yerst bijden vors(creven) meester janne vand(en)/ eede d(air) op de selve meest(er) jan den voirs(creven) roeloff mer bet(aelt) en hadde/ op goede rekeni(n)ge v stuv(er)s en(de) d(air) na allest voirs(creven) silver gemunt gout
//
en(de) silver wed(er) vand(er) voirs(creven) stad wege(n) te hulpe(n) leve(re)n de(n) voirs(creven) meester/ clase van porceele te porceele en(de) tvoirs(creven) gout gewege(n) zijnde w(er)t/ bevonde(n) in een lede(re)n borse oft sack d(air) tgout in was bijde(n) voirs(creven) m(eester)/ clase wegende vijftien marck vijff once(n) dwelc bijde(n) voirs(creven) m(eester) ja(n)ne/ mair bevonde(n) en hadde geweest te voe(re)n wegen seve(n) marck vi(½) once(n)/ bekinnende he(m) hier af volcomelijc v(er)nuecht en(de) wel betaelt te wesen/ Ende heeft gelooft de(n) voirs(creven) meest(er) clase noch meest(er) ja(n)ne va(n) des/ voirs(creven) steet ne(m)m(er)meer te vexere(n) te moeye(n) noch e(n)nige aensprake/ te doen bij hem selve(n) noch yemande anders in gheene(n) rechte/ gheestelijc noch weerlijc in gheenre maniere(n) maer va(n) deser jeg(ewelke)/ quitan(cie) jegen eene(n)yeg(elijken) goet gerecht wara(n)t te zijn en(de) te blive(n) tot/ ewigen dagen borchove(n) nausnyde(re) julii q(ui)nta