Cond zij alle(n) liede(n) dat jannes andries gehete(n) lupi [renu(n)c(ians)] en(de)/ andries va(n) kercaster woenen(de) te berthe(m) in p(rese)ncia hebben/ genome(n) en(de) bekint dat zij genome(n) hebbe(n) van janne vand(er)/ eycke(n) rentm(eeste)r d(er) he(re)n van corby en(de) meest(er) janne va(n) beringe(n)/ de goede h(ier) na bescreve(n) gelege(n) te berthe(m) inde(n) yerste(n) drie/ boend(er) lants gelege(n) inden slangenpoel It(em) vi dach(mael) lants/ gelege(n) aldair aende couthe(re)n d(er) he(re)n va(n) corby It(em) iii dach(mael)/ lants op tselve velt aende kersstrate en(de) twee boender/ lants gelege(n) int bloc dair neve(n) metter groter schuere(n)/ dair ond(er) int hoff gelijc me(n) die met ande(re)n goede(n) d(air)/ neve(n) gelege(n) te leene houdt vande(n) he(re)n va(n) corby welke/ goede voirs(creven) de voirs(creven) rintmeester met rechte uutgewo(n)ne(n)/ heeft Te houde(n) te hebben en(de) te wy(n)ne(n) van sinte denijs/ misse lestlede(n) eene(n) t(er)mijn van xii jare(n) v(er)volgende elcx/ jaers darenbinne(n) om ix mudde xiii(½) mol(evaten) rocx goet en(de)/ payabel d(er) mate(n) van loeven(en) met wa(n)ne en(de) met vede(re)n/ wel bereyt alle jare tsinte andriesmisse apostels te betale(n)/ en(de) te loeven(en) te leve(re)n dairt de(n) voirs(creven) ja(n)ne en(de) ja(n)ne gelieve(n)/ sal alle jare de(n) voirs(creven) t(er)mijn dueren(de) quol(ibet) ass(ecutu)[m] It(em) is vorw(er)de/ dat de voirs(creven) wy(n)ne de voirs(creven) goede hue(re)n voirs(creven) t(er)mijn lang/ dueren(de) wy(n)ne(n) w(er)ve(n) selen wel en(de) loflijc gelijc reengenote(n)/ bove(n) en(de) benede(n) en(de) die laten te(n) afsceyde(n) alsoe zij die/ vonde(n) te wete(n) de voirs(creven) drie boend(er) en(de) de twee boend(er)/ geheel storte en(de) de ix dach(mael) voirs(creven) brake geheel It(em) en/ sele(n) de voirs(creven) wy(n)ne(n) de voirs(creven) goede niet moege(n) hoer/ vruchte(n) te huere(n) leste drie jare(n) It(em) zij sele(n) allet/ stroe vande(n) voirs(creven) goede(n) comen(de) jaerlijcx te meste make(n)/ en(de) dat mest vuere(n) op de voirs(creven) lande alsoe wel te(n) verste(n)/ als te(n) naesten slants meesten proffite It(em) sij sele(n) alle/ jare levere(n) xvi mandelen stroes [walmen] om de voirss(creven) schuere/ mede te decke(n) en(de) alsme(n) ald(air) dect oft plect sele(n) zij de(n)/ wercliede(n) den montcost gheve(n) en(de) de voirs(creven) jan ende/ meest(er) de dachue(re)n betalen It(em) sele(n) de voirs(creven) wy(n)ne jaerlijcx
//
gehoude(n) sijn inde voirs(creven) schue(r) te hue(re)n laste te vuere(n) alle/ de thiende comen(de) vanden voirs(creven) goede(n) en(de) oec allet/ grain vande(n) selve goed [thiend]e(n) comende vuere(n) ind(er) stad van/ loeven(en) d(air)t de(n) meeste(re)n gelieve(n) sal It(em) oft de wy(n)ne(n) te(n) halve(n)/ tide(n) sceyde(n) wouden soe is vorwerde dat zij dat sele(n) moege(n)/ doen bij alsoe dat zijt een jaer te vore(n) cundige(n) It(em)/ oft de voirs(creven) goede na recht gequete(n) wordt soe selen/ de wy(n)ne(n) hande moeten lichte(n) mair oft zij d(air) op yet ge/ wracht oft gearbeyt hadden meer dan zij sculdich ware(n)/ van doen na inhoudt des(er) pechtinge(n) soe selen de meest(ere)n/ hen dat v(er)ghelde(n) na tsegge(n) va(n) goede(n) manne(n) hen des/ verstaende roeloffs borch(oven) x no(vem)[b(ris)] xxiiii