Item overmits dat jouffr(ouwe) ghertruyt van stakenborch weduwe/ gheerts wilen van stakenborch den raide vander stat te kynne(n)/ ghegeven heeft hoe zij na doot huers mans belast is bleven/ met diversen sculden die de selve gheert in sijnen leven(en)/
//
gemaect hadde en(de) sculdich bleef doen hij sterf gedragen(de) tot/ groeten so(m)men die zij bij declaracien overgaf en(de) vort bewees/ dat zij mits seke(re)n testamente gemaect bijden selven wilen/ gheerde dat zij mechtich was derfgoede des selfs wilen/ gheerts om de selve schout te betalen te mogen v(er)copen om/ dat hue(re)n kynde dat zij vanden vors(creven) gheerde behouden heeft/ tot mynde(re)n achterdeele mocht comen Soe is hue(r) om/ sbesten wille geconsenteert en(de) dat bij consente claus van/ stakenborchs huers brueders en(de) jans van coudenberghe huers/ swagers oems huers vors(creven) kynts dat zij die vijfthien/ scilde te xiiii stuvers tstuc die opder stat wissel van loven(en)/ ond(er) jorise den hont [staen] dien dbeveel en(de) last gegeven is/ inde betalinge der voirs(creven) scult des vors(creven) wilen gheerts bekeert/sullen [te] wordden Te weten(e) aen janne lederbijl van bie(r) vi/ ryns guld(en) janne van thienen van laken(en) twee r(yns) gul(den) xv/ stuv(er)s en(de) eene(n) ryns guld(en) aen jacope edelhert in/ afcorttingen van dien iiii r(yns) gul(den) en(de) viii st(uvers) van wae(re)n en(de)/ cleynder pennewerd(en) Actu(m) in pleno consilio cor(am) roel(ants) willem(air)/ burgim(a)g(ist)ris et pluribus aliis de consilio oct(obris) ix