Cond zij allen lieden dat her peter van troingnies prieste(r) cureit/ van evernas le baudewijn renu(n)cie(re)nde de vrijheit en(de) p(ri)vilegien/ vand(er) univ(er)siteit van lov(en) in p(rese)ncia heeft gegeven en(de) bekint/ dat hij gegeven heeft janne godfroit sone wilen jans van/ blehain woenen(de) te amaing(en)? bij hoye alle de lande ende/ thiende(n) groet en(de) cleyne renten cap(uynen) en(de) alle ande(r) goede d(er)/ cueren van evernas le baudewijn toebehoe(re)nde Te houden/ te hebben en(de) te wynnen van half merte naestcomende/ eenen t(er)mijn van neghen jae(re)n lanc deen na dand(er) sond(er)/ middel vervolgen(de) elx jars dae(re)nbynne(n) om en(de) voir/ lxxiii mudden weysinx goet en(de) payabel met wanne/ en(de) vede(re)n wael bereit pacht en(de) mate van evernas vors(creven)/ geheten mesure de saint lorain tsinte andriesmesse apostels/ te betalen en(de) te lichtmesse d(air) na volbetaelt te zijne en(de)/ ten huyse des vors(creven) jans godfroits opden neren te leve(re)n/ alle jare den vors(creven) t(er)mijn due(re)nde quolib(et) ass(ecutu)[m] Met condicien/ dat de vors(creven) jan godfroit opde drie yerste jae(re)n mair betale(n)/ en sal dan tsestich mudden weysinx d(er) mate(n) vors(creven) Item/

is vorweerde dat de vors(creven) jan de lande d(er) vors(creven) cueren/

den vors(creven) t(er)mijn due(re)nde inde stat dat de vors(creven) lande/ om d(er) orlogen wille ongewonne(n) gelegen hebben Item sal/ de vors(creven) jan de lande der vors(creven) cueren den vors(creven) t(er)mijn/ due(re)nde wynnen werven en(de) mesten wel en(de) loflic gelijc/ reengenoten boven en(de) beneden Item is vorweerde wart/ dat ten uutgane vanden vors(creven) t(er)mijne e(n)nige d(er) vors(creven)
//
lande bevrucht wae(re)n bijden vors(creven) janne die sal de selve jan/ mogen te hemwert nemen en(de) behoud(en) geheelic en(de) al/ des sal hij voir elc boend(er) gheven en(de) betalen sesthien/ dossijnen corens alsulcx als vors(creven) steet Item is vorweerde/ wart tzake dat de vors(creven) jan e(n)nige schade lede van tempeeste(n)/ oft gemeynen orloge bynne(n) den vors(creven) t(er)mijne datme(n)/ hem die afcortte(n) sal nade costume d(er) secundarie kerken/ van luydic En(de) alle dese vors(creven) vorweerden (et)c(etera) roelofs naus(nydere)/ dec(embris) x