Allen den ghene(n) die dese l(ette)ren sele(n) sien oft hoire(n)/ lesen burg(er)meeste(re)n scepen(en) ende raid d(er) stad va(n) loeven(en)/ saluit doen cond alle(n) lude(n) dat voir ons come(n) is in p(ro)pre(n)/ p(er)sone jouffr(ouwe) vriendeline van nethen(en) weduwe ottens wile(n) va(n)/ cuyck diemen hiet van hoochstrate(n) ende heeft gesedt geco(n)/ stituert gesedt volcome(n) macht p(ro)cu(ra)cie en(de) auc(tori)teit gegeven/ meest(er) augustijne van nethene(n) hue(re)n neve janne m(ar)cels en(de)/ janne wetwale oft den eene(n) van hen bringe(r) sbriefs Alle/ en(de) yegewelke hue(r) sake(n) questie(n) en(de) gescillen die zij uut/ staende heeft oft namaels uutstaende sal moege(n) hebben/ voir wat gerichte gheestelijc oft weerlijc dat dat zijn/ oft gescien soude moegen alle der voirs(creven) jouffr(ouwe) vriend(elinen)/ jaergulde(n) opcomi(n)gen ende v(er)vallen goede onberuerlijc en(de)/ onberuerlijc chisen rente(n) erfpachte(n) als sij heeft hue(r) gevallen/ zijn oft namaels valle(n) selen inde(n) lande va(n) brab(an)t oft elde(r) te wat/ plaetsen dat zij die uutstaende heeft en(de) men hue(r) sculdich is oft/ namaels sculdich wese(n) sal in e(n)niger maniere(n) Te verware(n) te mane(n)/ teyssche(n) op te buere(n) en(de) tontfangen tege(n) oft aen wat p(er)sone dat dat/ zijn mach dair voir te panden te daghe(n) te beleyden rastem(en)te/ te doen legge(n) die met rechte texeq(ue)re(n) te v(er)volgen en(de) te vorde(re)n alle/ scep(enen) br(ieven) met rechte te vo(n)nissen vord(er)nisse d(air) af te neme(n) en(de) te doene na/ costume gewoente en(de) usage(n) vande(n) plaetse(n) d(air) dat behoire(n) sal oft behoeve(n)
//
soude moege(n) En(de) ofts noot geboirde voir alle gerichte gheestel(elijc) en(de) w(eer)lijc met/ rechte zij(n) sake(n) te (con)testere(n) te declinere(n) texcipiere(n) te reco(n)veniere(n) te v(er)antw(er)de(n)/ te bescudden te bedinge(n) alle gescr(ri)fte(n) en(de) libelle(n) ov(er) te geve(n) en(de) te neme(n) te/ r(e)plicere(n) te duplice(re)n (et)c(etera) also wel int p(ri)ncipael als int accessoir also dicwile/ en(de) menichw(er)ve(n) als des te doen zal zijn getuge(n) met rechte v(er)sueken be/ dwonge(n) te werden tot huerre deposicie(n) die te leyde(n) d(er) wed(er)p(ar)tie(n) ge/ tuge(n) te sien zwere(n) die te batte(re)n hue(r) deposicie(n) te wed(er)legge(n) alsoe dic/ wile en(de) menichw(er)ve(n) alst behoire(n) en(de) behoeve(n) sal Allet des voirs(creven) steet/ alsoe wel donber(uerlike) goede chise rente(n) pachte(n) voirg(eruert) als anders met/ rechte te wy(n)ne(n) te verliesen de sake(n) bij beroepe oft appellacie(n)/ te moege(n) v(er)volge(n) de vo(n)nisse(n) va(n) dien en(de) alle(n) andere(n) d(er) voirs(creven) jouffr(ouwe)/(con)stitucie(n) aengaende alsoe wale int(er)locutoire als diffinitive te verwachte(n)/ tgewijsde te v(er)volge(n) ende te doen exeque(re)n co(m)posicie en(de) mynlike yffe/ ni(n)ge va(n) al des voirscr(even) is te make(n) den sculders va(n) des zij oft e(n)nich/ van hen ontfange(n) selen te q(ui)tere(n) ende quita(n)cie te gheve(n) Ende voirt/ alle der voirs(creven) jouffr(ouwe) goede beruerlijc en(de) onber(uerlijk) chise rente(n) en(de) pachte(n)/ hoedanich die zijn in al oft in deele te v(er)pachten te hantplichte(n) te/ verhuere(n) en(de) met jaerscare(n) uut te geve(n) en(de) allet te(n) meesten orbore en(de)/ proffite der voirs(creven) jouffr(ouwe) en(de) d(air) af alle behoirlike en(de) behoeflike vestich(eit)/ ende zekerheide(n) te doene en(de) voirtane generalijc en(de) specialijc d(air)/ inne te doene en(de) te vorde(re)n allet des de voirs(creven) jouffr(ouwe) vriendelijne/ selve doen oft vordere(n) soude moege(n) waert dat zij telker tijt ende/ plaetsen selve jegewoirdich en(de) voir oege(n) ware En(de) dat de selve p(ro)cur(eur)s/ oft e(n)nich van hen voirt in al des voirscr(even) steet en(de) in elc bezunder/ eene(n) oft meer substituere(n) sele(n) moege(n) va(n) huerre hant alst hen gelieft/ gheven(de) de voirs(creven) jouffr(ouwe) vriendelijne als voe(r) de(n) selve(n) gesubstituerde(n)/ en(de) elke(n) van hen volcome(n) macht p(ro)cu(ra)cie en(de) auc(tori)teyt in alle d(er) vuege(n)/ en(de) manie(re)n voirs(creven) en(de) soe wes bij den eene(n) d(er) voirs(creven) p(ro)cur(eurs) oft gesub/ stituerde(n) in e(n)nich va(n) des voirscr(even) steet begonne(n) oft inne gesteken sal/ werden van rechtvorderingen oft and(er)s dat dande(re) van hen sal/ moegen voirts vordere(n) middele(n) volynden laten componere(n) en(de)/ v(er)volgen sond(er) yema(n)ts wederseggen Geloven(de) voir ons in goeden/ trouwen de voirs(creven) jouffr(ouwe) vriendelijne opde v(er)bintenisse va(n) alle(n)/ huere(n) goede(n) jeg(enwordich) en(de) toecomende v(er)crege(n) oft te v(er)crigen(e) beruerlijc/ en(de) onberuerlijc hoedanich die zijn wair die belege(n) oft bevonde(n)/ sele(n) moege(n) werde(n) goet vast gestentich en(de) onv(er)brekelijc te houde(n)/tot ewige(n) dage(n) voir hue(r) huere(n) erve(n) en(de) nacomel(ingen) alle tgene des/ bij de voirs(creven) p(ro)cur(eur)s oft hue(re)n ges(u)bstituerde(n) (et)c(etera) Salvo s(em)p(er) iusto calculo dec(embris) xvi