Item vanden gescille geport tusschen gorde pierart in deen zijde/ en(de) janne blanckart met everarde de pape als man en(de) mo(m)boer/ jouffr(ouwe) m(ar)grieten dochter henricx wilen vander elst die hij hadde/ van jouffr(ouwe) machtelden wilen blanckart zijnen wijve suster des/ vors(creven) jans voir hen en(de) lyncken vand(er) elst suster der vorscr(even)/ m(ar)grieten die de vors(creven) jan en(de) everart hier inne gelooft hebbe(n)/ te vervangen in dande(re) Om dier v mudden corens erflic/ ter quitingen staende inde heylike vorweerde gemaect tusschen/ woute(re)n blanckart wilen en(de) [wilen] m(ar)grieten van sinte pet(er)s sijnen wijve/ vad(er) en(de) moed(er) des vors(creven) jans wilen en(de) wilen machteld(en) die/ de vors(creven) p(ar)tien meynen bij seke(re)n reden(en) dat hen de vors(creven) gort/ sculdich is genoech te doen en(de) de vors(creven) gort hult de contrarie/ Hebben hen de selve p(ar)tien gesubmitteert en(de) verbonden inde/ eerweerdige he(re)n te weten(e) in meest(er) janne van papenhoven rector/ janne van grontselt en(de) robbeerde de lacu doctors (et)c(etera) in sulker/ vuegen dat de vors(creven) jan en(de) zijn medep(ar)tien hue(r) aensprake/ overgeven sullen in gescrifte den vors(creven) goede bynnen viii dagen/ naestcomen(de) dair op de vors(creven) gort zijn verantweerden oic in/ gescrifte overgeve(n) sal bynnen viii dagen d(air) na d(air) op de vors(creven)/ he(re)n seggers neme(n) sullen informacie en(de) oft behoeft gethuy/ genesse aenhoren bynne(n) viii dagen d(air) na en(de) hue(r) uutsprake/ dair af doen bynnen xiiii nachten naestco d(air) na v(er)volgen(de)/ Promitt(entes) ratu(m) naus(nydere) vync dec(embris) xvii