Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en) saluyt/ doen cont en(de) te weten dat opden dach datum van desen/ voir ons comen es in prop(re) p(er)sone jonch(e)r willem van merode/ here te volen(en) (et)c(etera) als man en(de) momboir jouffr(ouwe) johannen vand(er)/ aa dochter jans wilen vand(er) aa zijnd(er) medegesellynnen en(de)/ heeft geconstitueert gesedt volcomen macht procuracie en(de)/ auctoriteit gegeven zonder e(n)nich wederropen janne van/ opleeuwe willem(me) sanctus wille(m)me maes en(de) pete(re)n beyart/ oft den eenen van hen hebber des briefs Te vervolghen en(de)/ met rechte te bedinghen het zij voir meye(r) en(de) scepen(en) oft/ voir de stat van loven(en) alle en(de) yegewelcke alsulke saken als/ hij uutstaen(de) heeft oft namaels hebben zoude mogen tege(n)/ willem(me) vanden dorpe willem(me) trabbekier en(de) meer and(ere) hue(re)n/ medeplege(re)n uut causen vander lijfrenten die de selve/ p(er)sone en(de) hue(r) medegaringen eysschen(de) zijn op diverse goede/ der vors(creven) jouffr(ouwe) johannen toebehoe(re)nde gelege(n) ond(er) dlant/ van mechelen d(air)af te composeren metter mynnen oft/ rechte volcome(n) quitancie te gheve(n) en(de) te neme(n) en(de)/ vortaen generalic en(de) specialic allet ghene dair inne/ te doen en(de) te vorde(re)n des de selve jouff(rouwe) jonch(e)r willem in/ p(er)sone selve doen zoude mogen in desen telcker tijt oft/ hij telcker tijt tegenwordich en(de) voir ogen wae(re) Gheloven(de)/ voir ons in goed(en) truwen opde verbintenesse van allen sijnen/ goeden tegenwordich en(de) toecomen(de) goet vast gestentich en(de)/ van weerden te houden allet ghene des bijden vors(creven) p(ro)cur(eur)s/ in desen gedaen en(de) gevordert sal worden in e(n)niger manie(re)n/ januarii xx