Item omdat jan gorts alhier inder stat onlanx heeft doen rasteren drie/ p(er)de die brachten een kerre met eene(n) stuc wijns welcke p(er)de toebehoirde/ eenen geheten henric woenen(de) tantwerpen voerman voir vii ryns/ guld(en) en(de) eenen stuver die de selve henric den vors(creven) janne goert/ sculdich was also hij voir den diene(r) die trecht dede en(de) voir/ de poirters dier over wae(re)n gekint heeft ende de selve henric/ de vors(creven) p(er)de heeft laten staen zonder te willen lossen also dat de/ vors(creven) jan gorts dair op van noots wegen met rechte p(ro)cede(re)n/ moet So heeft de selve jan versocht den raide vand(er) stat/ dat de vors(creven) diene(r) en(de) poirters hier op gehoirt mochten/ worden ende hue(r) deposicie getekent ter toecomender ende/ gewarigher memorien dwelc alsoe geschiet is Ende de/ vors(creven) vorster te weten(e) jasp(er) claes bertelmeeus smisman/ en(de) jan de knape vanden smede ambachte hebben des vors(creven)/ is geclaert ende eendrechtelijc getuyght januarii xxiiii/