Alsoe jan de roide op heden inde banc voer meye(r) en(de) scepen(en) van lov(enen)/ dach hadde tegen janne oeghe alse geleit totten goeden lijsbetten/ andries voer seke(re) wettige sculden die de selve lijsbeth met scepen(en)/ brieve(n) van loven(en) den voirs(creven) janne oeghe sculdich es om der goiden/ wille acht(er) desen vo(n)nisse v(er)claert Dair op de vors(creven) jan oeghe/ met scepen(en) sijne(n) vors(creven) beleide volchde meynen(de) dat hem ende/ zijnen scepen(en) brieven tsijnd(er) schout behoef die goede volgen/ souden versuekende dat de vors(creven) jan de roide de hande dair/ af lichte ende woude hij hem zijne(en) scepen(en) brieve(n) oft de(n) vors(creven)/ goeden aensprek(en) dat hij dat dade metten rechte Dair op de/ vors(creven) jan de roide allig(eer)de seggen(de) dat hij hem der vors(creven) goide/ niet aen en droech en(de) dat hij den vors(creven) janne gheen onge/ bruyc en dede aen gheen goede der voirs(creven) lijsbetten toebehoiren(de)/ hopen(de) bij meer reden(en) van hem hier toe geseecht ongemoeyt te/ bliven Soe was gewijst bij vo(n)nisse van scepen(en) van loven(en)/ waer de voirs(creven) jan de roide de voirs(creven) goede niet aenspreken en/ woude datmen dan den voirs(creven) janne van oeghe van die(n) goeden/ houden soude inde macht van sijnen voirs(creven) beleide alsoe verre/ alst noch voer scepen(en) comen es P(rese)ntib(us) o(mn)ib(us) scabinis in sca(m)pno/ dempt(o) vynck januar(ii) xxix