Vander aenspraken die voir meye(r) en(de) scepen(en) va(n) loeven(en) inde banc/ onlanx geweest is tussce(n) willem(me) de brieve(re) gehete(n) de mu(n)tere/ in deen zijde en(de) jouffr(ouwe) marie(n) weduwe adriaens wilen gans/ / in dande(re) alse van zeke(re) montcoste die de voirs(ceven) willem meynde dat/ zij janne wilen de clerck sculdich soude zijn van dat zij hue(re)n mo(n)tcost/ voir hue(r) en(de) een maerte ende een cleyn meysken mette(n) voirs(creven) wilen/ janne hadde gecocht ende in des selfs jans cost eene(n) tijt geweest/ welke schout de voirs(creven) willem meynde dat hem en(de) zijne(n) beleyde/ soude toebehoire(n) int voldoen van zijne(n) wettige(n) gebreke(n) die hij ten/ voirs(creven) janne weert heeft die welke hij te zijnder eedt p(rese)nteerde/ te verifice(re)n ende dat hem de voirs(creven) weduwe die sculdich ware op/ te leggen Dair op de selve weduwe huer v(er)antwerdende boot/ te bewisen dat de voirs(creven) wilen jan de clerck in zijne(n) levene div(er)se/ porceelen? van sculden en(de) rente(n) hue(r) toebehoiren(de) hadde gehave(n) en(de)/ in betalinge(n) en(de) mynd(er)nisse(n) vand(er) voirs(creven) montcost ontfaen tot/ welker bewijssenisse(n) zij met vo(n)nisse geadmitteert was ende op hede(n) alse ten/ daige dair toe dyenen(de) heeft zij gheexhibeert eene cedulle va(n) int(er)rogator(ien) dair/ mede zij de voirs(creven) bewijssenisse meynde te doene Dair op de vors(creven) willem ghe/ allig(eer)t heeft dat die int(er)rogator(ien) niet genoech en wae(re)n ende al bethoende zij al/ des dair inne was begrepe(n) dat hem dat niet hynde(re)n en mochte noch hue(r)/ te staden comen hopen(de) dat zij met dier cedulle(n) en(de) pointe(n) niet voirtvare(n) en/ soude maer dat zij van hue(re)n thoenisse soude zijn verstek(en) Vand(en) welke(n) zij hielt/ de (contra)rie meynen(de) dat zij hue(r) thoenisse leyden soude en(de) hadde willen d(air)entinde(n)/ e(n)nich gebreck dat hij dat vorderde met rechte Soe es hier op te(n) uut(er)ste(n) gewijst/ met vo(n)nisse van scepen(en) ter maniss(en) smeyers dat de weduwe met dien thoenisse/ niet voirtvaren en soude p(rese)ntib(us) o(mn)ib(us) scabinis lo januar(ii) ultima