Item jan van loven(en) ty(m)merman in p(rese)ncia heeft v(er)huert henricke/ strelens geheten moselere een gedeelte van eend(er) heymelich(eit)/ staende inde borchstrate achter thuys des vors(creven) henr(ix) jans ter sijde(n)/ van sinte g(er)truden weert tusschen derve des vors(creven) henr(ix) en(de) lubrechts/ vand(en) wouwe gelic en(de) in alle d(er) mate(n) de vors(creven) p(ar)tien die aldair bete/ kent hebben Te houden en(de) te hebben van kersmesse naestcomen(de) eene(n)/ t(er)mijn van xii jae(re)n lanc due(re)nde deen na dand(er) zond(er) middel v(er)vol/ gende Voir welcken [hue(r) en(de)] t(er)mijn vors(creven) de vors(creven) henr(ick) den vors(creven) janne tussche(n)/ dit en(de) sondach naestcomen(de) betalen sal twee stuv(er)s ryns gul(den) eens/ Item sal de vors(creven) jan de vors(creven) heymelich(eit) t(er) stont dair die v(er)scheid(en)/ steet getekent op zijne(n) cost onderslaen sal en(de) als die geboren/ sal te vegen sullen die selve p(ar)tien en(de) and(er)s te repareren sullen/ de vors(creven) p(ar)tien dat te gelike(n) cost doen doen Item es vorweerde niet/ wed(er)staen(de) dat de vors(creven) hue(r) steet ingaende ten naesten kersmesse/ dat nochta(n) die inne gaen sal t(er) stont berghe hoeve(n) aug(usti) vi