Want jan vanden hove lieuten(ant) smeyers van loeven(en) alse geleid/ uut machte van scepen(en) brieven van loven(en) vander daet xiiii[c] lvii/ octobr(is) xii tot allen den goeden beyde have en(de) erve wouters de/ cock van woestmeerbeke metter stat brieven gescreven aenden/ meye(r) van woestmeerbeke hem hadde doen leve(re)n alle de selve goede/ bij alsoe oft de selve wouter oft yema(n)t anders daer tege(n) yet hadde(n)/ willen seggen oft allige(re)n oft de vors(creven) brieve mits ondueghde(n) wed(er)/ leggen dat zij des op heden alh(ier) tegen den voirs(creven) geleydde(n) te/ rechte comen wae(re)n gelijc die brieve die de secretar(issen) claerden/ gescreven te hebben volcomelijc inhielden Tot welken daighe/ de selve wout(er) noch nyema(n)t and(er)s come(n) en es tegen de(n) voirscr(even)/ janne soe hebbe(n) de he(re)n scepen(en) van loven(en) begheert taenhoe(re)n/ den bode die de voirs(creven) brieve gedragen eeft welc bode behoirlijc/ ondervraicht geclaert heeft bij sijne(n) eede dat hij de voirscr(even)/ brieve selve gaff den officie(r) voirs(creven) dair de voirs(creven) wouter selve/ tegewoirdich was Wair bij de voirs(creven) he(re)n scepen(en) van loeven(en)/ voirt gemaent van den meye(r) gewijst hebben voer een vo(n)nisse/ datmen den voirs(creven) geleydden vand(en) vors(creven) goeden voer zijn wettich/ gebreck houden soude in de macht van zijne(n) voirs(creven) beleide soe/ v(er)re dat noch voir scepen(en) come(n) is p(rese)ntib(us) o(mn)ib(us) scabinis in sca(m)pno/ febr(uarii) xxvi