Allen den ghenen die dese l(ette)ren zullen zien oft hoiren lesen burg(er)meeste(re)n/ scepen(en) ende raet der stadt van loeven(en) saluyt doen condt ende te/ weten dat opden dach van heden datu(m) van desen voir ons comen is/ lodewijck roelants een der burg(er)meeste(re)n voirs(creven) ende heeft openbaerlijck/ met zijne(n) volcomen(en) weten gesedt gemaect ende geconstitueert stelt/ maect en(de) constitueert met desen br(ieven) janne roelants zijne(n) sone ende/ janne blanckarts wout(er)s sone was ende elken van hen bezundert om/ inden rechte voir meye(r) ende scepen(en) van loven(en) tachtervolgen(e) en(de) p(ro)seque(re)n/ alsulken saken va(n) gedinghe ten eynde uuyt als hij hangen(de) heeft/ yeghen janne van beert inden banc voir meye(r) ende scepen(en) voirs(creven)/ die te wynne(n) te verliesen ende in allet ghene des dair uuyt spruyte(n)/ soude moegen te doen ende te vorde(re)n des de voirs(creven) lod(ewijc) roelants/ selve soude moege(n) doen oft hij telker tijt yeg(enwordich) ende voir oeghe(n)/ wae(re) Promitt(ens) rat(um) cor(am) roelofs hoeve(n) febr(uarii) xxv