Allen den gene(n) die dese l(ette)ren sele(n) sien oft hoire(n) lesen burg(ermeesteren)/ scepen(en) en(de) raet der stad van loeven(en) saluit doen te weten/ dat opden dach datu(m) van desen voir ons come(n) is in p(ro)pren p(er)sone/ magriete bruyni(n)cx weduwe arts wile(n) vander moelen en(de)/ heeft geconstituert gesedt volcome(n) macht p(r)curacie en(de) auc(tori)teyt/ gegeve(n) sond(er) e(n)nich wederroepe(n) janne vande(n) bossche willem(me)/ vanden poele m(er)ten vand(er) stantvoirt hue(re)n behuwede(n) sone(n)/ en(de) machtilden vander moelen wettige docht(er) d(er) voirs(creven) magriete(n)/ p(ri)[us] ema(ncipa)[t(am)] oft den eene(n) van hen bringe(r) sbriefs Alle alsulke questie(n)/ en(de) gescillen als de voirs(creven) mag(rie)te uutstaende heeft oft namaels/ uutstaende soude moegen hebben voir wat gerichte gheestelijc oft/ weerlijc dat dat zijn oft gescien mochte alle hue(r) beruerlike en(de) o(m)ber(uerlike)/ goede sculden opcominge(n) en(de) vervalle(n) te verware(n) te mane(n) teyssce(n)/ opte bue(re)n en(de) tontfange(n) dair voe(r) te panden te dage(n) te beleyden/ rastem(en)te te doen leggen alsoe dat behoire(n) en(de) behoeve(n) sal moege(n)/ die met rechte te v(er)volge(n) texeq(ue)ren en(de) te vorde(re)n En(de) ofts noot/ geboirde voir alle richte(re)n gheestelijc en(de) weerlijc des voirscr(even) steet/ met rechte te conteste(re)n te declinere(n) texcipiere(n) te reco(n)veniere(n) te/ v(er)antwerde(n) te bescudden te bedinge(n) alle gescrifte(n) ende libellen/ dair toe dienende over te geve(n) en(de) te nemen te replice(re)n ende te/ duplice(re)n alsoe wel int p(ri)ncipael als int accesseur alsoe dicwile en(de)/ menichwerve(n) alse dat te doen sal zijn De getuge(n) met rechte te/ versueken bedwongen te werden tot huerre deposicie(n) die te leyde(n)/ d(er) wed(er)p(ar)tien getuge(n) te sien sweren die te battere(n) hue(r) deposicie(n)/ te wederlegge(n) alsoe dicke en(de) menichwerve(n) alst behoeve(n) sal/ des voirscr(even) steet en(de) al des dair aen clev(en) mach te wy(n)ne(n)/ te verliesen bij beroepe oft appellacie(n) te moege(n) v(er)volge(n) vo(n)nisse(n)/ int(er)locutoire en(de) diffinitive dair af te verwachte(n) tgewijsde te/ v(er)volge(n) en(de) te doen exeq(ue)ren composicie en(de) mynlike yffeni(n)ge van/ al des voirscr(even) steet dair af te make(n) volcome(n) quitan(cie) d(air) af te geve(n)/ Ende g(e)n(er)alijc en(de) specialijc voirtaen d(air) in te doen en(de) te vorde(re)n allet/ des bij den voirs(creven) geconstituerden [mag(rie)te(n)] oft zij telker tijt jege(n)woirdich en(de)/ voir oege(n) ware hier inne gedaen en(de) gevordert soude moege(n) werde(n)/ Promitt(ens) ratu(m) salvo iusto calculo ap(ri)lis v[ta]